الماتىدا اۆتوبۋس پەن جەڭىل اۆتوكولىك سوقتىعىسىپ قالدى, دەپ حابارلايدى Egemen.kz
جول-كولىك وقيعاسىنىڭ ۆيدەوسى الەۋمەتتىك جەلىلەردە تارادى. وقيعا 19 جەلتوقسان كۇنى جۇرگەنەۆ پەن جانگەلدين كوشەلەرىنىڭ قيىلىسىندا بولدى.
«لادا گرانتا اۆتوكولىگىنىڭ جۇرگىزۋشىسى جۇرگەنەۆ كوشەسى بويىمەن شىعىس باعىتتا كەلە جاتىپ جانگەلدين كوشەسىنىڭ قيىلىسىنداعى جول بەلگىسىن ەلەمەي, وڭتۇستىك باعىتتا كەلە جاتقان Yutong ماركالى اۆتوبۋسىمەن سوقتىعىستى. جول-كولىك وقيعاسى سالدارىنان اۆتوكولىكتىڭ جۇرگىزۋشىسى جانە ونىڭ ءۇش جولاۋشىسى, سونىمەن قاتار اۆتوبۋستىڭ ەكى جولاۋشىسى جاراقات الدى», دەدى الماتى قالاسى پوليتسيا دەپارتامەنتىنىڭ تەرگەۋ باسقارماسىنىڭ باستىعى ولجاس ءشارىپوۆ.
فاكت سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قر قىلمىستىق كودەكسىنىڭ 345-بابى, 2-ءبولىمى (ابايسىزدا ادام دەنساۋلىعىنا اۋىر زيان كەلتىرگەن جول قوزعالىسى ەرەجەلەرىن بۇزۋ) بويىنشا تىركەلدى. ءتيىستى ساراپتامالار تاعايىندالدى.