2020 جىلعى 17 جەلتوقساندا پتر-انىقتاماسىز ۇشىپ كەلگەن 3 قازاقستاندىقتان COVID-19 انىقتالدى, دەپ حابارلايدى Egemen.kz
2020 جىلعى 18 جەلتوقسانىندا قازاقستان رەسپۋبليكاسىنىڭ اۋماعىنا رۋمىنيا, قىتاي, گرۋزيا, مىسىر, تۇركيا, ءباا, رف, بەلارۋس رەسپۋبليكاسى, تاجىكستان جانە وزبەكستاننان 17 حالىقارالىق اۋە رەيسى كەلدى.
2 561 اۋە جولاۋشىلارىنىڭ ىشىندە پتر-تەستىلەۋدىڭ تەرىس ناتيجەسى بار انىقتامامەن 2 351 ادام, انىقتاماسىز 210 قر ازاماتتارى كەلدى. ونىڭ ىشىندە: الماتى قالاسىنىڭ اۋەجايىنا – 9 رەيس, 1 641 جولاۋشى, انىقتامامەن – 1 513, انىقتاماسىز - 128; نۇر-سۇلتان قالاسىنىڭ اۋەجايىنا – 6 رەيس, 789 جولاۋشى, انىقتامامەن - 707; انىقتاماسىز - 82; اتىراۋ قالاسىنىڭ اۋەجايىنا – 1 رەيس, بارلىق 44 جولاۋشى انىقتامامەن كەلدى; اقتاۋ قالاسىنىڭ اۋەجايىنا – 1 رەيس, بارلىق 47 جولاۋشى انىقتامامەن كەلدى.
انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتۋدە.
2020 جىلدىڭ 17 جەلتوقسانىندا انىقتاماسىز كەلگەن 378 قر ازاماتتارىنىڭ پتر-تالداۋلارىنىڭ ناتيجەلەرى بويىنشا دۋباي – نۇر-سۇلتان رەيسىمەن كەلگەن 3 جولاۋشىدان كوروناۆيرۋستىق ينفەكتسيا انىقتالدى.