2020 جىلدىڭ 11 ايىندا 113 ملرد.تەڭگەدەن اسا سوماعا مەديتسينالىق قىزمەت كورسەتىلدى. ولاردىڭ ىشىندە تمككك اياسىندا – 76,5 ملرد.تەڭگە, ءمامس جۇيەسىندە – 36,6 ملرد.تەڭگە, دەپ حابارلايدى Egemen.kz
وسى ارالىقتا كورسەتىلگەن كونسۋلتاتيۆتىك-دياگنوستيكالىق قىزمەتتەرگە 14,3 ملرد.تەڭگە تولەندى, 5409 جوعارىتەحنولوگيالىق مەديتسينالىق قىزمەتتەرگە – 1 ملرد.تەڭگەدەن استام, 97 536 ستوماتولوگيالىق قىزمەتتەرگە – 225 ملن.تەڭگە تولەندى.
ال نۇر-سۇلتان قالاسى بويىنشا ستاتسيونارلاردا ەمدەلگەندەر (61,9 ملرد.تەڭگە سوماسىنا) سانى - 199 363», دەپ حابارلادى بريفينگتە «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
مەديتسينالىق ساقتاندىرۋ قورى 2020 جىلعى 1 جەلتوقسانداعى جاعداي بويىنشا نۇر-سۇلتان قالاسىندا 100 قىزمەت جەتكىزۋشى مەديتسينالىق ۇيىممەن (2019 جىلى – 105 قىزمەت جەتكىزۋشى) كەلىسىمشارتقا وتىرعان. ولاردىڭ 32-ءى – مەملەكەتتىك, 60-ى – جەكەمەنشىك, 8-ءى رەسپۋبليكالىق مەديتسينا ۇيىمدارى. ونىڭ ىشىندە امبۋلاتوريالىق-ەمحانالىق كومەك كورسەتەتىن ۇيىم – 35, تاۋلىك بويى جۇمىس ىستەيتىن ستاتسيونار – 30, ستاتسيوناردى الماستىراتىن كومەك كورسەتۋشىلەر – 77, كونسۋلتاتيۆتىك-دياگنوستيكالىق كومەك كورسەتەتىن مەديتسينالىق مەكەمە – 12.
نۇر-سۇلتان قالاسى بويىنشا تۇرعىندار سانى - 1 171 302 (قر بويىنشا - 18 809 210). ولاردىڭ ىشىندە 648 978 تۇرعىن جەڭىلدىگى بار ساناتقا جاتادى, بۇل بارلىق تۇرعىننىڭ 55%-نا جۋىق. ولار ءۇشىن جارنانى مەملەكەت تولەيدى.