اقش-تىڭ فلوريدا شتاتىنداعى حولليۆۋد قالاسىندا وتكەن بوكس كەشىندە قازاقستاندىق ءالي احمەدوۆ ەكىنشى ورتا سالماقتا IBO الەم چەمپيونى تيتۋلىن جەڭىپ الا المادى, دەپ حابارلايدى Egemen.kz
گولوۆكين-شەرەمەتا اندەركارتىندا وتكەن جەكپە-جەك بارىسىندا قازاقستاندىق كاسىپقوي بوكسشى, ەكىنشى ورتا سالماقتاعى WBC International Silver چەمپيوندىق بەلبەۋىنىڭ يەگەرى ءالي احمەدوۆ (16-0, 12 كو) 11 راۋند بويى ەكۆادورلىق كارلوس گونگورادان باسىمدىق تانىتقان بولاتىن.
الايدا 12-راۋندتا يەك استىنان اۋىر سوققى العان ءالي نوكداۋنعا ءتۇسىپ قالدى. دەگەنمەن, تەز ەس جيىپ, جەكپە-جەكتى جالعاستىرعان قازاقستان بوكسشىسى ەكىنشى مارتە دە ءدال سونداي اپپەركوتتان نوكاۋتقا ءتۇستى.
وسىلايشا بۇعان دەيىنگى 18 كەزدەسۋدىڭ بارلىعىندا جەڭىسكە جەتىپ, 13 قارسىلاسىن نوكاۋتپەن ۇتقان 31 جاستاعى ەكۆادورلىق كارلوس گونگورا IBO الەم چەمپيونى تيتۋلىن جەڭىپ الدى.