قوستاناي وبلىسىنىڭ اكىمى ارحيمەد مۇحامبەتوۆ جىتىقارا قالاسىنىڭ تۇرعىندارىنا پاتەر كىلتتەرىن تابىس ەتتى.
بەس قاباتتى 80 پاتەرلى ءۇي بيىل «جۇمىسپەن قامتۋدىڭ جول كارتاسى» مەملەكەتتىك باعدارلاماسى اياسىندا سالىندى.
قۇرىلىس جۇمىستارى بارىسىندا 121 ادام تۇواقتى ەڭبەكپەن قامتىلعان.
«بۇگىن ءبىز ءۇشىن وتە ماڭىزدى, كوپتەن كۇتكەن كۇن, ول ءومىر بويى ەستە قالادى. ونىڭ ۇستىنە, ءبىز ءوز ءۇيىمىزدىڭ كىلتىن قازاقستان رەسپۋبليكاسىنىڭ تاۋەلسىزدىك كۇنى الدىق. بۇل-بىزگە مەملەكەت سىيلايتىن تاماشا سىيلىق», - دەدى كوپبالالى انا ايسۇلۋ اقتاەۆا.
كوپ بالالى انا ايسۇلۋ اقتاەۆا 3 بولمەلى پاتەردىڭ كىلتىن الدى. بۇرىن بۇل وتباسى جالدامالى پاتەردە تۇراتىن.
سونداي-اق, فەدوروۆ اۋدانى مەن دەنيسوۆ اۋىلىنىڭ تۇرعىندارى قونىس تويىن تويلادى.
بيىل فەدوروۆ اۋىلىندا 4 جانە 24 پاتەرلى تۇرعىن ۇيلەر سالىندى. مەرەكە كۇنى كەزەكتە تۇرعان كوپ بالالى, الەۋمەتتىك وسال جانە جەتىم بالالار ساناتىنداعى تاعى 28 وتباسىعا كىلتتەر تابىس ەتىلدى.
ال دەنيسوۆ اۋىلىندا 20 پاتەرلى ءۇي سالىندى, ونىڭ كىلتتەرى كوپبالالى وتباسىلارعا, جەتىم بالالارعا, دارىگەرلەرگە, الەۋمەتتىك سالا قىزمەتكەرلەرىنە جانە كەزەكتە تۇرعاندارعا بەرىلدى.
بۇگىنگى تاڭدا مەملەكەتتىك باعدارلامالار اياسىندا قوستاناي وبلىسىندا 328,3 مىڭ شارشى مەتر تۇرعىن ءۇي پايدالانۋعا بەرىلدى, بۇل 3 مىڭنان استام پاتەر. جىل سوڭىنا دەيىن تاعى 51 مىڭ شارشى مەتر پايدالانۋعا بەرىلەدى.
سونىمەن قاتار, شامامەن 850 از قامتىلعان وتباسى مەن مۇقتاج كەزەكتە تۇرعانداردىڭ تۇرعىن ءۇي جاعدايلارى جاقسارتىلاتىن بولادى.