اقش اۋىل شارۋاشىلىعى مينيسترلىگىنىڭ ۇلتتىق ۆەتەرينارلىق قىزمەتى جابايى تابيعاتتا تىرشىلىك ەتەتىن جانۋاردان كوروناۆيرۋس ينفەكتسياسى تابىلعاندىعىن راستادى. يۋتا شتاتىندا جابايى كۇزەندى تەكسەرۋ بارىسىندا قاۋىپتى ۆيرۋس بەلگىلەرى بايقالعان, دەپ حابارلايدى Egemen.kz ريا اگەنتتىگىنە سىلتەمە جاساپ.
ProMED-mail پلاتفورماسىنىڭ سايتىندا اقش-تىڭ جانۋارلار مەن وسىمدىكتەر دەنساۋلىعىن تەكسەرۋ قىزمەتىنىڭ (APHIS) ەسەبىندە ايتىلعانداي, اۋرۋ ەپيدەميولوگيالىق زەرتتەۋ اياسىندا كوروناۆيرۋس وشاعى بولۋى مۇمكىن كۇزەن فەرماسى ماڭىندا جابايى جانۋاردان تابىلىپتى.
«جابايى كۇزەننەن كوروناۆيرۋس ينفەكتسياسى تابىلعانى راس. بۇل SARS-CoV-2 تىركەلگەن العاشقى جابايى جانۋار», دەلىنگەن APHIS حابارلاماسىندا.
بۇل وقيعا تۋرالى اقپارات دۇنيەجۇزىلىك جانۋارلاردىڭ دەنساۋلىعىن قورعاۋ ۇيىمىنا بەرىلگەندىگى دە اتاپ ءوتىلدى. سونداي-اق, APHIS ازىرگە COVID-19 راستالعان جاعدايلارى بار كۇزەن فەرمالارىنىڭ ماڭىندا تۇراتىن جابايى پوپۋلياتسيادا اينالىم جاسايتىندىعى تۋرالى ەشقانداي دالەل جوق.