الماتىدا جاتاقحانادان ءورت شىقتى

قالالىق توتەنشە جاعدايلار دەپارتامەنىنىڭ مالىمەتىنشە, 14 جەلتوقسان كۇنى 12 :42 -دە جەتىسۋ اۋدانىنداعى انگارسكايا كوشەسىندە ءورت شىققانى تۋرالى حابار كەلىپ تۇسكەن.

ء«ورت سوندىرۋشىلەر ساعات 12:49 كەلگەندە 3 قاباتتى عيماراتتىڭ 1 قاباتىندا ورنالاسقان قويما جانىپ جاتقانىن انىقتادى. ەكىنشى جانە ءۇشىنشى قاباتتا جاتاقحانا ورنالاسقان. تۇرعىنداردىڭ كوپشىلىگى سىرتقا وزدەرى شىقتى, بىراق جاتاقحانا دالىزىندەگى قويۋ تۇتىننەن 48 جاستاعى تۇرعىن اياعىنداعى جاراقاتقا بايلانىستى وزدىگىنەن سىرتقا شىعا الماعان. ءورت سوندىرۋشىلەر زارداپ شەگۋشىنى ماسكا كيگىزىپ سىرتقا الىپ شىعىپ, جەدەل جاردەم بريگاداسىنا تابىستادى», دەپ حابارلادى دەپارتامەنت وكىلدەرى.

ءورت 80 شارشى مەتر اۋداندى شارپىعان. ءورتتى سوندىرۋگە جەكە قۇرامنان 60-تان استام قىزمەتكەر, گاز-تۇتىننەن قورعاۋ قىزمەتىنىڭ 6 توبى جانە 15 تەحنيكا جۇمىلدىرىلدى.