كاليفورنياداعى 55 سايلاۋشىنىڭ رەسمي داۋىس بەرۋىنەن كەيىن دجو بايدەن پرەزيدەنت بولدى. وسىلايشا ول 1 ايدان استام ۋاقىتتان كەيىن رەسمي تۇردە قۇراما شتاتتاردىڭ 46-شى مەملەكەت باسشىسى اتاندى, دەپ حابارلايدى Egemen.kz
اقش-تا سايلاۋشىلار القاسىنىڭ داۋىس بەرۋى ءوتىپ جاتىر, ول 2020 جىلعى پرەزيدەنت سايلاۋىنىڭ جەڭىمپازىن تۇپكىلىكتى انىقتايدى. جالپى داۋىس بەرۋ ناتيجەسىنە سايكەس القا قۇرامىن شتاتتار بيلىگى انىقتايدى, ونىڭ رەسمي قورىتىندىلاۋ ءبىر اپتا بۇرىن اياقتالعان. داۋىس بەرۋ ناتيجەسىنە سايكەس, پرەزيدەنت سايلاۋىندا دەموكراتيالىق پارتيادان پرەزيدەنتتىككە ۇمىتكەر دجو بايدەن جەڭىسكە جەتتى. اقش-تىڭ قازىرگى پرەزيدەنتى جانە رەسپۋبليكالىق پارتيادان ەكىنشى مەرزىمگە ۇمىتكەر دونالد ترامپ ءوزىنىڭ جەڭىلىسىن مويىندامادى جانە قارسىلاسىن سايلاۋدى بۇرمالادى دەپ ايىپتادى.
ال ۆيتسە-پرەزيدەنتتىككە كامالا حارريس تاڭدالدى. بۇل داۋىس بەرۋشىلەر القاسىنىڭ شەشىمىنەن كەيىن بەلگىلى بولدى.
ايتا كەتۋ كەرەك, پرەزيدەنتتى ۇلىقتاۋ ءراسىمى 20 قاڭتاردا ءوتۋى كەرەك.