رۋدنىيدا جاڭا بالاباقشا پايدالانۋعا بەرىلدى

العاشقى جۇمىس كۇنى جاڭا بالاباقشاعا وبلىس اكىمى ارحيمەد مۇحامبەتوۆ بارىپ, تاربيەشىلەرمەن كەزدەستى. مەملەكەت پەن جەكەمەنشىكتىڭ   ارىپتەستىگى ارقىلى پايدالانۋعا بەرىلگەن مەكتەپكە دەيىنگى تاربيە مەكەمەسى كەنشىلەر قالاسىنداعى بالاباقشا كەزەگىن 20%-عا قىسقارتۋعا مۇمكىندىك بەرىپ وتىر. سونىمەن قاتار, رۋدنىي قالاسىنىڭ تۇرعىندارى ءۇشىن 56 جاڭا جۇمىس ورنى اشىلدى.

«جىل سايىن وبلىستا الەۋمەتتىك جاۋاپكەرشىلىگى جوعارى كاسىپكەرلەر قاتارى كوبەيىپ كەلە جاتىر. مەملەكەتتىك-جەكەمەنشىك ارىپتەستىك تەتىگىنىڭ ارقاسىندا «ەلەنا د» جشس مەن ونىڭ قۇرىلتايشىسى يۆان ۆاسيلەۆيچ مارار ەسكى عيماراتتى قالپىنا كەلتىرىپ, ساپالى ماتەريالدىق-تەحنيكالىق قۇرىلعى-جابدىقتارمەن قامتاماسىز ەتتى» - دەدى ا.مۇحامبەتوۆ.

ينۆەستور اكىمگە جەكە بيزنەسىن قولداپ, مەملەكەتتىك-جەكەمەنشىك ارىپتەستىكتى دامىتۋ باعدارلاماسىنا قاتىسۋعا مۇمكىندىك جاساعانى ءۇشىن العىس ءبىلدىردى.

جاڭا بالاباقشانىڭ اشىلعانىنا اتا-انالار دا قۋانىشتى.

«بالاباقشانىڭ ءۇيدىڭ جانىندا ورنالاسقانى وتە ىڭعايلى. ءبىز مۇنى  اسىعا كۇتتىك, بالالارىمىزدىڭ تاربيەلى, باقىتتى, دەنى ساۋ, ءبىلىمدى بولىپ وسكەنىن كورگىمىز كەلەدى» - دەدى 5 جاسار تايمۋرازدىڭ اناسى رىستى كەرەمباەۆا.

جاڭا بالاباقشادا مەملەكەتتىك تاپسىرىس بويىنشا 265 بالا تاربيە الادى. بالاباقشا جۇمىسىن مەملوەكەت قارجىلاندىرادى, ال اتا-انالار تەك بالالاردىڭ تاماعىنا ايىنا 12 260 تەڭگە تولەيتىن بولادى. قتانۋى ءۇشىن عانا تولەيتىن بولادى

رۋدنىي قالاسىندا بۇگىندە 20 بالاباقشا جۇمىس ىستەپ تۇر. سونداي-اق, 3,7 مىڭنان استام بالانى قامتيتىن 16 شاعىن ورتالىق بار.

بيىل وبلىستا مەكتەپكە دەيىنگى ءبىلىم بەرۋ مەكەمەلەرىن دامىتۋعا كوپ كوڭىل بولىنۋدە. ماسەلەن, جەلتوقسان كىرگەلى وڭىردە ءۇش بىردەي بالاباقشا اشىلدى. بيىل رۋدنىي مەن قوستاناي قالاسىندا, سونداي-اق قوستاناي جانە ب. مايلين اۋداندارىندا 7 جەكەمەنشىك بالاباقشا, 6 شاعىن ورتالىق پايدالانۋعا بەرىلدى. ناتيجەسىندە بيىل وڭىردە 1 جارىم مىڭعا جۋىق بالدىرعان بالاباقشاعا ورنالاستى. 

«الداعى جىلى قوستانايداعى جاڭا شاعىن اۋدانداردا ارقايسىسى 280 ورىندىق 5 بالاباقشانىڭ قۇرىلىسى باستالادى. سونىمەن قاتار, قوستاناي قالاسىندا بۇرىنعى بالاباقشا عيماراتىن كۇردەلى جوندەۋدەن وتكىزىپ,  جىتىقارا جانە ناۋىرزىم اۋداندارىندا بالاباقشا سالۋ جوسپاردا بار. قازىر وبلىس تۇرعىندارى «INDIGO» پورتالىنداعى اۆتوماتتاندىرىلعان مەملەكەتتىك قىزمەتتى پايدالانا وتىرىپ, بالالارىن ۇيدەن شىقپاي-اق بالاباقشاعا ورنالاستىرا الادى», دەدى وبلىستىق ءبىلىم باسقارماسىنىڭ باسشىسى زاۋرە بايمەنوۆا.