شىمكەنت: جوبالىق كەڭسە جىلدى قورىتىندىلادى

جيىننىڭ كۇن تارتىبىندە – جوبالىق مەنەدجمەنتتىڭ ادىستەرى مەن قۇرالدارىن مەملەكەتتىك باسقارۋ جۇيەسىنە بىرىكتىرۋ, «Qazaqstan Project Management Awards 2020» بايقاۋىنىڭ قورىتىندىسى, شىمكەنت قالاسىنىڭ جوبالىق كەڭسەسى تۋرالى ءۇش ماسەلە قارالدى. ايتا ءوتۋ كەرەك, بيىل الەۋمەتتىك-ەكونوميكالىق كورسەتكىشتەرگە قول جەتكىزۋ ماقساتىندا باسقارۋ جۇيەسىن وڭتايلاندىرۋعا ارنالعان جوبالىق كەڭسە قۇرىلعان بولاتىن. 

قالا باسشىسى ماجىلىستە قازاقستاندا جوبالىق مەنەدجمەنت قازىردىڭ وزىندە بارلىق ورتالىق جانە جەرگىلىكتى مەملەكەتتىك ورگاندارىندا بەلسەندى تۇردە ەنگىزىلىپ جاتقانىن اتاپ ءوتتى. Agile قۇرالدارىن ءتيىمدى پايدالان,ۋ ياعني ناتيجەگە قول جەتكىزۋ جانە بيۋروكراتيانى مينيميزاتسيالاۋ ماقساتىندا ءتيىستى ءنورماتيۆتى-قۇقىقتىق بازانى تولىقتىرۋ بويىنشا كوپتەگەن جۇمىستار جۇرگىزىلگەنىن دە تىلگە تيەك ەتتى.باسقارمالاردىڭ اراسىندا ءوزارا ءىس-ارەكەتتەرىنىڭ سايكەس كەلمەۋ سالدارىنان ناتيجەگە قول جەتكىزۋدەگى قيىندىقتار كوپتەپ تۋىندايدى. ال, Scrum – كەڭەستەر «قازىر جانە وسىندا» فورماتىندا بۇل كەمشىلىكتەردى جويۋعا ۇلكەن سەپتىگىن تيگىزۋدە. ماسەلەن, ەنەرگەتيكا جانە كوممۋنالدى شارۋاشىلىق باسقارماسىنىڭ جانە جولاۋشىلار كولىگى, اۆتوموبيل جولدارى باسقارماسىنىڭ ءوزارا بىرلەسكەن ءتيىمدى ءىس-ارەكەتتەرىنىڭ ناتيجەسىندە (جولدار مەن كارىز جۇيەلەرىن جوندەۋگە ۋاقىتتى سينحرونداۋ) جول ساپاسىن قاناعاتتاندىرۋ دەڭگەيىن ارتتىرۋ ينديكاتورىنا قول جەتكىزەدى,- دەدى مۇرات ايتەنوۆ. 

شاھار باسشىسى جىل  سوڭىنا دەيىن 2021 جىلعا ارنالعان شىمكەنت قالاسىنىڭ دامۋ باعدارلاماسىنىڭ, ءتيىستى سالالىق باعدارلامالاردىڭ كورسەتكىشتەرىن بازالىق باعىت باسشىلارىمەن كەلىسىپ, بىرىڭعاي كروسس-پلاتفورماعا ەنگىزۋ جۇمىستارى جۇرگىزىلىپ, جوبالىق كەڭسەنىڭ ۇسىنىستارىن ورىنداۋدى تاپسىردى.  سونىمەن قاتار, اعىمداعى جىلدىڭ 28 قاراشاسىندا قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا «Qazaqstan Project Management Awards 2020» مەملەكەتتىك باسقارۋداعى جوبالىق باسقارۋدى جەتىلدىرۋ بويىنشا بايقاۋ وتكەن. 

بايقاۋدىڭ قورىتىندىسى بويىنشا «ۇزدىك جاO جوباسى» نوميناتسياسى بويىنشا التىن مەدال شىمكەنت قالاسىنىڭ اكىمدىگىنە («تسيتادەلدىڭ VR-ۆيدەوسى») بۇيىردى.  ونىمەن بىرگە, شىمكەنت قالاسىنىڭ اكىمدىگى «جاو-نىڭ ۇزدىك جوبالىق ءوفيسى» جانە «ۇيىمنىڭ جوبالاۋ پەرسونالىن باسقارۋدىڭ ۇزدىك جۇيەسى» ارنايى نوميناتسياسىنا سايكەس ءبىرىنشى ورىندى يەلەندى. 

اتالمىش كونكۋرستىڭ جۇلدەسىن قالا اكىمىنە قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ مەملەكەتتىك باسقارۋداعى جوبالىق مەنەدجمەنتتى دامىتۋ ورتالىعىنىڭ باسشىسى ارمان ەۆنيەۆ تابىس ەتتى.ايتا كەتەيىك, كونكۋرستىڭ باستى ماقساتى - مەملەكەتتىك قىزمەتشىلەردى كوشباسشىلىق پەن جاڭا قۇزىرەتتىلىكتەردى دامىتۋعا ىنتالاندىرىپ, جوبالاردى باسقارۋ ادىستەرى مەن قۇرالدارىن بەلسەندى تۇردە ەنگىزەتىن جانە ءوز قىزمەتىنە قولداناتىن مەملەكەتتىك ورگاندار مەن ۇيىمدارعا قولداۋ كورسەتۋ بولىپ تابىلادى.

جيىندى قورىتىندىلاعان مۇرات ايتەنوۆ جوبالىق كەڭسەنىڭ جۇمىسىن بارىنشا جانداندىرىپ, قاعازباستىلىقتان قۇتىلىپ, ۋاقىت پەن جۇمىستى جۇيەلەندىرۋ قاجەتتىگىن جەتكىزدى.