دۇنيە ءجۇزى بويىنشا شامامەن 1,8 ميلليارد ادام كوروناۆيرۋس جۇقتىرۋى مۇمكىن. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ سايتىندا ايتىلادى, دەپ حابارلايدى Egemen.kz Tengrinews.kz سايتىنا سىلتەمە جاساپ.
دەرەككوز مالىمەتىنشە, الەمدەگى ءاربىر ءتورتىنشى مەديتسينالىق مەكەمە سۋمەن قامتىلماعان, ال ءاربىر ءۇشىنشى مەديتسينالىق مەكەمەدە قاجەت قول گيگيەناسى ساقتالماعان.
"سۋ, سانيتاريا جانە گيگيەنا مەديتسينا قىزمەتكەرلەرى مەن ناۋقاستاردىڭ قاۋىپسىزدىگى ءۇشىن وتە ماڭىزدى, بىراق بۇل قىزمەتتەرگە باسىمدىق بەرىلە بەرمەيدى", دەلىنگەن حابارلامادا.
ددۇ باس ديرەكتورى تەدروس ادانوم گەبرەيسۋستىڭ ايتۋىنشا, مەكەمەلەردە گيگيەنا ساقتالماۋى مەديتسينالىق قىزمەتكەرلەردىڭ قورعانىس قۇرالدارىنسىز جۇمىس ىستەۋىمەن تەڭ.