قاۋىپتىڭ بارىن بىلە تۇرا بالىقشىلار نەگە مۇزعا شىعادى ەكەن؟ شىعىستا ءبىر كۇن ىشىندە ءۇش كولىك مۇز استىنا ءتۇسىپ كەتكەن，دەپ حابارلايدى Egemen.kz
وقىس وقيعا كوكپەكتى اۋدانى مەن ءشۇلبى كەنتىندە بولعان. توتەنشە جاعدايلار دەپارتامەنتىنىڭ مالىمەتىنە سۇيەنسەك, بالىقشىلار دەمالىس كۇندەرى سۋ قويمالارىنا قاراي جولعا شىققان.
البەتتە, قاۋىپسىزدىك ەرەجەلەرىن ەسكەرمەگەن. كولىكتىڭ ەكەۋى كوكپەكتى اۋدانىندا, ەندى ءبىرى ءشۇلبى سۋقويماسىندا مۇز استىنا تۇسكەن. كولىكتەردى سۋدان شىعارۋعا قۇتقارۋشىلار توبى كومەكتەستى.
"شۇلبىدەگى قۇتقارۋشىلار كولىگى مۇز استىنا ءتۇسىپ كەتكەن جۇرگىزۋشىنى ارنايى "كۋنگ" اۆتوكولىگىنە وتىرعىزىپ, جىلىنۋىنا جاعداي جاسادىق"，دەپ حابارلادى وبلىستىق توتەنشە جاعدايلار دەپارتامەنتىنىڭ ماماندارى.ابروي بولعاندا, ادام شىعىنى جوق.
قۇتقارۋشىلار ەسكەرتپەي جاتقان جوق, دەپارتامەنت ماماندارى بالىقشىلارمەن كەزدەسىپ, مۇز ۇستىمەن ءجۇرۋدىڭ قاۋىپتىلىگى جايلى ءتۇسىندىرۋ جۇمىستارىن جۇرگىزىپ-اق ءجۇر. بىراق, ەسكەرتۋگە قۇلاق اسىپ جاتقاندار از.