نۇرسۇلتان نازارباەۆ قورىندا «ەلباسى مەدالى» باعدارلاماسىنا قاتىسۋشىلاردى ماراپاتتاۋ جونىندەگى كوميسسيانىڭ ءبىرىنشى وتىرىسى ءوتتى. كوميسسيا قۇرامىنا نۇرسۇلتان نازارباەۆ قورىنىڭ, «ەلباسى اكادەمياسى» كورپوراتيۆتىك قورىنىڭ, قر اقپارات جانە قوعامدىق دامۋ مينيسترلىگىنىڭ, قر ءبىلىم جانە عىلىم مينيسترلىگىنىڭ, قازاقستان جاستار كونگرەسىنىڭ, باق جانە اتا-انالار قاۋىمداستىعىنىڭ وكىلدەرى ەندى.
كوميسسيا باعدارلامانى ىسكە اسىرۋ ناتيجەلەرىن قاراپ, 2020 جىلى 1 000 قاتىسۋشىنى ەلباسىنىڭ قولا مەدالىمەن ماراپاتتاۋ تۋرالى شەشىم قابىلدادى. كوميسسيا باعدارلامانىڭ بارلىق باعىتتارى بويىنشا تاپسىرمالاردى ءساتتى ورىنداعان قاتىسۋشىلاردىڭ العاشقى لەگىنىڭ ناتيجەلەرىن قارادى. جيىن قورىتىندىسى بويىنشا 1000 قاتىسۋشىنى 2020 جىلى ەلباسىنىڭ قولا مەدالدارىمەن ماراپاتتاۋ تۋرالى شەشىم قابىلداندى. قازىرگى ۋاقىتتا تاعى 7 مىڭ جاس قازاقستاندىق باعدارلامانىڭ قولا دەڭگەيىندە قاتىسۋدى جالعاستىرۋدا.
ەلباسىنىڭ 2020 جىلعى قولا مەدال يەگەرلەرىنىڭ تىزىمىمەن مىنا سىلتەمە بويىنشا تانىسۋعا بولادى.
ەستەرىڭىزگە سالا كەتەيىك, "ەلباسى مەدالى" - جاستاردى كەشەندى دامىتۋعا باعىتتالعان ۇلتتىق دەڭگەيدەگى جالعىز باعدارلاما. ول 7 نەگىزگى باعىتتان تۇرادى: سپورت, تالانتتار مەن داعدىلار, كىتاپ وقۋ, ۇلتتىق مۇرا, ۆولونتەرلىك, ەكسپەديتسيالار مەن جورىقتار, ەڭبەك پراكتيكاسى. باعدارلاماعا 14-29 جاس ارالىعىنداعى قازاقستاندىقتار قاتىسادى.
قازىرگى ۋاقىتتا جوباعا 11 مىڭنان استام قاتىسۋشى, 600 تالىمگەر, 17 وڭىرلىك ۇيلەستىرۋشى مەن ساراپشى قاتىسۋدا.