حالىقارالىق ادام قۇقىقتارىنىڭ كۇنىندە جانە گەندەرلىك زورلىق-زومبىلىققا قارسى 16 كۇندىك جاھاندىق ناۋقان اياسىندا «باتىر» قىسقامەتراجدى ءفيلمىنىڭ ونلاين تۇساۋكەسەرى بولىپ ءوتتى, دەپ حابارلايدى Egemen.kz
«باتىر» ءفيلمى سەگىز بەدەلدى حالىقارالىق كينوفەستيۆالدىڭ قاتىسۋشىسى جانە ۇلىبريتانيالىق London X4 - Seasonal Short Film Festival فەستيۆالىندە «ۇزدىك قىسقامەتراجدى فيلم» جانە «ۇزدىك ايەل ءرولى» جۇلدەسىنىڭ يەگەرى.
«باتىر» ءفيلمى — الەمدى ءبىز قالاعانداي قالپىنا كەلتىرۋدەگى ادام قۇقىقتارىنىڭ ماڭىزدىلىعى, جاھاندىق ىنتىماقتاستىق پەن ورتاق ادامزاتتىڭ قاجەتتىلىگى تۋرالى تاعى ءبىر رەت مالىمدەۋ مۇمكىندىگى. بۇۇ قولداۋىمەن فيلم العاش رەت قازاقستاندا كوپشىلىككە ۇسىنىلادى. اتالمىش ءفيلمدى ءتۇسىرۋ يدەياسى ۇلىنىڭ دەنساۋلىعىن ساقتاۋعا ۇلكەن اقشا تابۋ ءۇشىن ءوز ءتانىن قۇربان ەتكەن ايەلدىڭ شىنايى وقيعاسىنان تۋىنداعان.
ونلاين تۇساۋكسەرگە ءفيلمنىڭ پروديۋسەرى لاۋرا ساپا, رەجيسسەر ەلەنا ليساسينا, باستى ءرولدى سومداۋشى اكتەرلەر جانەل سەرعازينا مەن شىڭعىس كاپين جانە دە فەستيۆال اگەنتى ايگەرىم رامازان قاتىستى.
كورەرمەن قاۋىمعا ءفيلمدى ۇسىنا وتىرىپ, لاۋرا ساپا ء«بىز العاشقى تۋىندىمىزدى ايەلدەر مەن قىزدارعا قارسى گەندەرلىك زورلىق-زومبىلىق تاقىرىبىنا ارناۋدى ۇيعاردىق. بۇكىل الەمدە ايەلدەر ۇلتقا, جاسىنا جانە قىزمەت سالاسىنا قاراماستان زورلىق-زومبىلىققا ۇشىرايدى. ءححى عاسىردا ءبىز ءالى دە وسى ماسەلەگە تاپ بولاتىنىمىز وتە وكىنىشتى. زورلىق-زومبىلىققا جول بەرمەۋ تەتىكتەرى كوبىنە ازدىق ەتىپ جاتادى. زاماناۋي قوعام اگرەسسيۆتى بولا باستادى» دەپ اتاپ ءوتتى.
«سومداعان ءرولىم وتە قىزىقتى, بىراق سونىمەن بىرگە بۇل ءرولدىڭ قيىندىقتارى دا كوپ بولدى. قازاقستاندىق ايەل كۇن سايىن باتىر اتانىپ, كىشكەنتاي ءارى ۇلكەن جەتىستىكتەر مەن جەڭىستەردىڭ سەبەپكەرى بولادى. ناعىز باتىرلار – ءوز وتباسى مەن بالالارىنىڭ اماندىعى ءۇشىن كۇرەسەتىن قاراپايىم ايەلدەر», دەپ ءوز باستى ءرولدى سومداۋشى اكتريسا جانەل سەرعازينا ءوز ويىمەن ءبولىستى.
بيىلعى جىلى ادام قۇقىقتارى كۇنى مەن 16 كۇندىك جاھاندىق ناۋقان تاقىرىبى COVID-19 پاندەمياسىمەن بايلانىستى جانە وسى سالادا جۇزەگە اسىرىلاتىن ءىس-شارالاردا ادام قۇقىقتارىنىڭ ورتالىق ءرولىن قامتاماسىز ەتۋ ارقىلى ءتيىمدى قالپىنا كەلتىرۋ قاجەتتىلىگىنە باعىتتالعان. ەگەر ءبىز بارلىعىنا بىردەي مۇمكىندىك جاساپ, COVID-19 انىقتالعان جانە ينفەكتسيانىڭ تارالۋىنا ىقپال ەتەتىن كەمشىلىكتەردى جويا الساق جانە گەندەرلىك زورلىق-زومبىلىق, وقشاۋلاۋ جانە كەمسىتۋشىلىك پروبلەمالارىمەن تامىرلانعان جانە جۇيەلى تۇردە كورىنەتىن پروبلەمالارمەن كۇرەسۋ ءۇشىن ادام قۇقىقتارى ستاندارتتارىن قولدانا بىلسەك, بارلىعىمىز بىرگە ورتاق جاھاندىق ماقساتتارعا قول جەتكىزەمىز.
بۇۇ قالىڭ جۇرتشىلىقتى, سەرىكتەستەردى ترانسفورماتسيا جۇرگىزۋگە قولداۋ كورسەتۋگە تارتۋعا جانە نەعۇرلىم ءتيىمدى قالپىنا كەلتىرۋگە جاردەمدەسەتىن جانە ومىرشەڭ ءارى ءادىل قوعام ءۇشىن جاعداي جاساي الاتىن پراكتيكالىق ءىس-شارالاردىڭ رۋحتاندىراتىن مىسالدارىن كورسەتۋگە ۇمتىلادى.