اقمولادا قىلمىستىق-اتقارۋ جۇيەسىندەگى العاشقى فرونت-وفيس اشىلدى

– مەملەكەت باسشىسىنىڭ مەملەكەتتىك اپپاراتتىڭ اشىقتىعىن قامتاماسىز ەتۋ جونىندەگى تاپسىرمالارىن ىسكە اسىرۋ اياسىندا جۇمىستىڭ «سەرۆيستىك» مودەلىنە تەك جەرگىلىكتى اتقارۋشى ورگاندار عانا ەمەس, باسقا مەملەكەتتىك ۇيىمدار دا كوشۋدە. بۇل ءتۇرلى سالالارداعى سىبايلاس جەمقورلىق تاۋەكەلدەرىن ازايتۋعا جانە حالىققا قىزمەت كورسەتۋ ساپاسىن ارتتىرۋعا مۇمكىندىك بەرەدى, دەدى سىبايلاس جەمقورلىققا قارسى ءىس-قيمىل اگەنتتىگىنىڭ وبلىستىق دەپارتامەنتىنىڭ باسشىسى مۇرات تولەۋباەۆ ءىس-شارا بارىسىندا.

مۇندا كۇتۋ ورنى, اقپاراتتىق ستەندتەر, سونداي-اق, مۇمكىندىگى شەكتەۋلى جاندارعا  پاندۋس پەن كولىك  قوياتىن ورىن قاراستىرىلعان. «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ شەڭبەرىندە قازىرگى ۋاقىتتا وبلىستىڭ بارلىق 19 ءوڭىرى مەن كراسنويار اۋىلىنىڭ اكىمدىكتەرى «سەرۆيستىك» جۇمىس فورماتىنا كوشتى, ال, مەملەكەتتىك مەكەمەلەر مەن ۇيىمداردا ورەn space جانە front office فورماتىنداعى 72 كابينەت اشىلدى.

سونداي-اق, بارلىق اۋداندار مەن قالالاردىڭ اكىمدىكتەرىندە ءبىرىنشى قاباتتاردا ازاماتتاردى قابىلداۋعا ارنالعان ورەn space فورماتىنداعى كابينەتتەر ورنالاسقان. قولجەتىمدىلىكتى قامتاماسىز ەتۋ ماقساتىندا وبلىستىڭ ءتۇرلى ۇيىمدارىنىڭ 700-دەن استام ءبىرىنشى باسشىلارى ءبىرىنشى قاباتتارعا كوشتى.

اقمولا وبلىسى.