بقو-دا بەس مەكتەپ كارانتينگە جابىلدى

بقو سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆتىڭ وڭىرلىك كوممۋنيكاتسيالار قىزمەتى الاڭىندا وتكەن بريفينگىدە ءمالىم ەتكەنىندەي, ولاردىڭ 12-سىندە اۋرۋ بەلگىلەرى بولعان, قالعان 17-سىندە سيمپتومسىز وتۋدە. كوروناۆيرۋس بەس مەكتەپتىڭ 8 سىنىبىندا انىقتالۋىنا بايلانىستى ناۋقاستارمەن قارىم-قاتىناستا بولعان وقۋشىلار مەن مۇعالىمدەر ۇيلەرىندە وقشاۋلاندى. ورال قالاسى مەن اۋدانداردىڭ باس سانيتار دارىگەرلەرىنىڭ قاۋلىسىنا سايكەس بەس مەكتەپ كارانتينگە جابىلدى. وقۋشىلار ىندەتتى وتباسى مۇشەلەرى مەن تۋىسقاندارىنان جۇقتىرعان. بالاباقشا مەكەمەلەرىندە جەلتوقسان ايىندا كوۆيد تىركەلگەن جوق. سونداي-اق وڭىردەگى مەديتسينالىق مەكەمەلەر دە شتاتتىق رەجيمدە جۇمىس جاساۋدا. نۇرلىبەك ەرمەك ۇلىنىڭ ايتۋىنشا, وبلىستا 1 جەلتوقساننان بەرى بارلىعى 370 ادامنىڭ اۋىرعانى تىركەلسە, سونىڭ 215-ءى نەمەسە 58,1 پايىزى ورال قالاسىنىڭ ۇلەسىنە تيەدى. سول سەكىلدى ءبورلى اۋدانىندا – 54, بايتەرەكتە – 49, اقجايىقتا – 10, تەرەكتىدە – 7, تاسقالادا – 6, جاڭاقالا مەن بوكەي ورداسىندا – 5, شىڭعىرلاۋدا – 4, سىرىمدا 1 ادام سىرقاتتانعان. جانىبەك پەن قاراتوبە اۋداندارىندا بۇل ايدا ىندەت تىركەلگەن جوق. وبلىس بويىنشا جالپى ىندەت جۇقتىرعاندار سانى 8447-گە جەتىپ, سونىڭ 7505-ءى ساۋىعىپ شىقسا, 144-ءى كوز جۇمدى.