ۆالەنسيانىڭ ورتالىق كىتاپحاناسىندا جانە وسى يسپانيا اۆتونومياسىنىڭ استاناسىندا ورنالاسقان «جىبەك مۋزەيىندە» اباي قۇنانباي ۇلىنىڭ 175 جىلدىعىنا ارنالعان ءىس-شارالار ءوتتى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
يسپان تىلىنە اۋدارىلعان «قارا سوزدەرى» كىتابىن جانە پرەزيدەنت قاسىم-جومارت توقاەۆتىڭ «اباي جانە ءححى عاسىرداعى قازاقستان» كىتاپشاسىن تانىستىرا وتىرىپ, قازاقستان ەلشىسى كونستانتين جيگالوۆ تىڭداۋشىلارعا ەلىمىزدىڭ ومىرىندەگى اباي شىعارماشىلىعى مەن جەكە تۇلعانىڭ مادەني-رۋحاني دامۋداعى ءرولى, اقىننىڭ مۇراسىن ىلگەرىلەتۋگە ارنالعان يۋنەسكو قولداۋىمەن وتكەن اۋقىمدى ءىس-شارالار تۋرالى اقپارات بەردى.
XVIII عاسىردا قۇرىلعان يسپانياداعى ەڭ ءىرى كىتاپحانالارىنىڭ ءبىرىنىڭ قورىنا يسپان تىلىندە جارىق كورگەن باسىلىمدار, ونىڭ ىشىندە تۇڭعىش پرەزيدەنت – ەلباسى نۇرسۇلتان نازارباەۆتىڭ «تاۋەلسىزدىك ءداۋىرى», «قازاقستاندىق جول», «الەم ەپيتسەنترى» كىتاپتارى, « ۇلى دالانىڭ جەتى قىرى» ماقالاسى, پرەزيدەنت ق. توقاەۆتىڭ «جاڭا جاعدايداعى قازاقستان: ءىس-قيمىل كەزەڭى» اتتى جولداۋى, قازاق پوەزياسى مەن پروزاسىنىڭ انتولوگيالىق جيناقتارى جانە وتانىمىزدىڭ ەجەلگى جانە جاڭا تاريحىنا ارنالعان شىعارمالار ۇسىنىلدى.
ديپلومات ەلباسى «قازاقستاندىق جولدى» قامتاماسىز ەتۋگە جانە ەلىمىزدىڭ دامىعان مەملەكەتكە اينالۋىنا قوسقان وراسان زور ۇلەسىنە, بىتىمگەرشى جانە ساياساتكەر رەتىندەگى قىزمەتىنە توقتالىپ, ونىڭ اۋقىمدى باستامالارى الەمدىك قاۋىپسىزدىكتى قۇرۋعا كوپشىلىك مويىنداعان ۇلەس قوسقانىن اتاپ ءوتتى.
ءوز كەزەگىندە يسپان تاراپى سەرۆانتەس تىلىندەگى قازاقستان تۋرالى كىتاپتاردى ۆالەنسيا كىتاپحاناسىنا بەرۋ العاشقى رەت جۇزەگە اسىرىلىپ جاتقانىن باسا ايتتى. الىنعان باسىلىمدار يسپان وقىرماندارىنىڭ قازاقستان تۋرالى بىلىمدەرىن كەڭەيتۋگە ىقپال ەتەتىنى ءسوزسىز.
«جىبەك مۋزەيىندە» وتكەن ءىس-شارادا ءسوز سويلەگەن يۋنەسكو-نىڭ جىبەك جولى حالىقارالىق جەلىسىنىڭ پرەزيدەنتى, بەدەلدى يسپاندىق ساياساتكەر حوسە ماريا چيكيو باربەر «يۋنەسكو قولداۋىمەن ابايدىڭ 175 جىلدىعىن اتاپ ءوتۋ – بۇل قازاق اقىنىنىڭ تاريحي مۇراسىنىڭ ماڭىزدىلىعىن بۇكىل الەمدە مويىنداۋ» دەپ اتاپ ءوتتى.
مۇراعاتتار, كىتاپتار, ەسكيزدەر كوللەكتسياسى مەن عاسىرلار بويى جاسالعان جىبەك بۇيىمدارىنىڭ ۇلگىلەرى بار مۋزەيگە كەلۋشىلەر بۇدان بىلاي جىبەك جولىنىڭ نەگىزگى باعدارلارىنا ەنگەن سايرام, ياسسى, وتىرار, تاراز سياقتى قالالاردىڭ جەرى قازاقستان تاريحى تۋرالى كىتاپتارمەن تانىسا الادى.