بيىل قر مەملەكەتتىك قىزمەت ىستەرى اگەنتتىگىنىڭ باستاماسىمەن مەملەكەت باسشىسى مەملەكەتتىك قىزمەتشىلەردىڭ «ديپلوممەن اۋىلعا» جوباسىنا قاتىسۋعا مۇمكىندىك بەرەتىن زاڭناماعا وزگەرىستەر ەنگىزىپ ەدى. باعدارلاما ءوز ناتيجەسىن كورسەتىپ جاتىر, دەپ حابارلايدى Egemen.kz
بۇل دەگەنىمىز اۋىلدىق جەرلەردە دەنساۋلىق ساقتاۋ, مادەنيەت, سپورت, ورمان شارۋاشىلىعى سالاسىندا قىزمەت ەتۋگە نيەتتەنگەن ازاماتتار قاتارىنا مەملەكەتتىك قىزمەتشىلەردىڭ دە ەنگەندىگىن بىلدىرەدى.
اقتوبەلىك مەملەكەتتىك قىزمەتشىلەردىڭ اراسىندا العاشقى بولىپ, اتالعان جوبانى قولدانۋعا شەشىم قابىلداعانداردىڭ ءبىرى – جاس مامان ازامات اكىمباي.
ايتەكە بي اۋدانىنىڭ كومسومول اۋىلدىق وكرۋگى اكىمى اپپاراتىندا باس مامان لاۋازىمىندا قىزمەت اتقارىپ جاتقان ازامات اكىمبايدىڭ ايتۋىنشا بۇل جوبا جاس مامانداردىڭ كاسىبي وسۋىنە ۇلكەن مۇمكىندىك.
جاقىندا وتباسىلى بولعان جاس مامان اۋىلعا كەلىپ, باعدارلاما اياسىندا كوتەرمە جاردەماقى جانە بيۋدجەتتىك نەسيە الۋ ارقىلى تۇرعىن ۇيگە قول جەتكىزگەن.