شىمكەنت قالاسىنىڭ اباي اۋدانى اۋماعىنداعى تۇرعىن الاپتاردا اۋىز سۋ جۇيەلەرىنىڭ قۇرىلىسى, شاعال تاس توسەۋ جۇمىستارى اياقتالدى, دەپ حابارلايدى Egemen.kz.
«تاۋەلسىزدىككە 20 جىل» تۇرعىن الابىندا اۋىز سۋ جۇيەسىنىڭ قۇرىلىسىنا بيۋدجەت ەسەبىنەن 206,0 ملن تەڭگە بولىنگەن بولاتىن. قازىرگى تاڭدا قۇرىلىس جۇمىستارى اياقتالدى. مەردىگەر مەكەمە تاراپىنان ابونەنتتەۋ جۇمىستارى جۇرگىزىلىپ, قازىلعان جەرلەردى قايتا قالپىنا كەلتىرۋ جۇمىستارى اتقارىلۋدا.
اتاپ ايتقاندا, تۇرعىن الاپقا قاراستى جايىق, مۇزارت, قۇراقتى, نارقازان, القامەرگەن, كەلىنشەكتاۋ, س.ماۋلەنوۆ, ل.حاميدي, ج.سايىن جانە م.جۇماباەۆ كوشەلەرىنە شاعال تاس توسەۋ جۇمىستارى تولىعىمەن ورىندالدى.
بۇدان بولەك, «كوكبۇلاق» تۇرعىن الابىنىڭ اۋىز سۋ جۇيەسىن جۇرگىزۋ بارىسىندا قازىلعان كوشەلەرگە شاعال تاس توسەۋ جۇمىستارى دا تولىعىمەن جۇرگىزىلدى.
اباي اۋدانى اكىمىنىڭ ايتۋىنشا, يگىلىك جانە قىزىلجار تۇرعىن الاپتارىندا شاعال تاس توسەۋ جۇمىستارى جوسپارعا سايكەس اتقارىلادى.