«قۇرمەتتى فورۋمعا قاتىسۋشىلار!
بارشاڭىزدى قازاقستان مۇسىلماندارى ءدىني باسقارماسىنىڭ وتىز جىلدىعىمەن شىن جۇرەكتەن قۇتتىقتايمىن!
بۇل – بۇكىل مۇسىلمان قاۋىمى ءۇشىن ايتۋلى وقيعا.
ءدىني باسقارما ەگەمەندىكتىڭ العاشقى جىلدارىنان باستاپ قوعامداعى تۇراقتىلىق پەن تىنىشتىقتى ساقتاۋعا اتسالىسىپ كەلەدى.سونداي-اق, ەلىمىزدەگى ءداستۇرلى يسلامدى دامىتۋعا زور ۇلەس قوسۋدا.
بيىلعى پاندەميا كەزىندە ءدىني باسقارما كوپتەگەن قايىرىمدىلىق شاراسىنا ۇيىتقى بولدى.
جۇرتشىلىقتى تاتۋلىق پەن سىيلاستىققا شاقىرۋ اسا ماڭىزدى. بۇل مىندەتتى ءبىزدىڭ ءدىن باسشىلارىمىز ابىرويمەن اتقارۋدا.
الەمدە ءدىني الاۋىزدىق ورشىگەن قازىرگىدەي كۇردەلى كەزەڭدە ءدىن قىزمەتكەرلەرىنىڭ ءرولى ايرىقشا. سوندىقتان, ەل ىشىندە جۇرگىزىلەتىن اعارتۋشىلىق جۇمىستاردىڭ مازمۇنى جانە ساپاسى ۇنەمى نازاردا بولۋى كەرەك.
مەشىتتەردە ءاردايىم يماندىلىققا, ادامگەرشىلىككە ۇندەيتىن ۋاعىزدار ايتىلعانى ءجون. سونداي-اق, ءبىلىم مەن عىلىمعا قۇشتارلىق, وتانعا دەگەن سۇيىسپەنشىلىك قاسيەتتەرىن دارىپتەۋىمىز كەرەك.
ازاماتتارىمىزدىڭ ءدىني تۇرعىدان ساۋاتتى بولۋىنا جانە جات اعىمداردىڭ جەتەگىندە كەتپەۋىنە سىزدەردىڭ قوسار ۇلەستەرىڭىز مول.
يمامدار مەن ءدىن قىزمەتشىلەرى وسى جاۋاپتى مىندەتتى كەلەشەكتە دە ويداعىداي اتقاراتىنىنا سەنەمىن.
قۇرمەتتى يمامدار, فورۋم دەلەگاتتارى!
سىزدەردىڭ ساۋاپتى ىستەرىڭىز ءاردايىم ەلىمىزدىڭ بەرەكە-بىرلىگىن نىعايتۋعا ارنالعان. مۇنداي يگى جۇمىس قاشاندا ەرەكشە قۇرمەتكە لايىقتى.
سوندىقتان, ءدىن سالاسىن دامىتۋعا ايرىقشا ۇلەس قوسقان بىرقاتار يمامدار مەن عالىمدارعا بۇگىن مەملەكەتتىك ماراپاتتار تابىس ەتىلەدى.
بارشاڭىزدى قۇتتىقتايمىن! فورۋم جۇمىسى جەمىستى بولسىن!», دەلىنگەن ۇندەۋدە.
ماراپاتتالعانداردىڭ ءتىزىمى:
1. بەكايدار امىرە – شىمكەنت قالاسىنىڭ «شەيح مۇحاممەد سادىق» مەشىتىنىڭ باس يمامى;
2. مىرزاباەۆ كەنجەالى قوڭىراتباي ۇلى – الماتى قالاسىنىڭ «قالقامان» مەشىتىنىڭ باس يمامى;
3. امانقۇلوۆ اسىلحان ومىرزاق ۇلى – الماتى قالاسىنىڭ ء«ال-حاميد» مەشىتىنىڭ باس يمامى;
4. سمانوۆ ءابدىجاپپار شاكىر ۇلى – تۇركىستان وبلىسىنىڭ «سارىاعاش» مەدرەسە-كوللەدجى ديرەكتورىنىڭ ورىنباسارى;
5. داۋرەنبەكوۆ ءابدىمۇتالى قاينازار ۇلى – اقتوبە قالاسىنىڭ «اقتوبە» مەدرەسە-كوللەدجىنىڭ ديرەكتورى;
6. قۇلمۇحاممەد ماحامبەت ءپىرمان ۇلى – ء«ابۋ حانيفا» مەدرەسە كوللەدجىنىڭ ديرەكتورى;
7. راحىمجان ساعىناي قابدۋلۋاحيت ۇلى – «اقنيەت» اقپاراتتىق ناسيحاتتاۋ جانە وڭالتۋ ورتالىعى, تەولوگ-كەڭەسشى;
8. تۋلەشوۆ زامير قاراتاي ۇلى - «اقنيەت» اقپاراتتىق ناسيحاتتاۋ جانە وڭالتۋ ورتالىعى, ءبولىم باستىعى.