قۇرلىقتىق حوككەي ليگاسىندا (قحل) ونەر كورسەتەتىن ەلوردانىڭ «بارىسى» قۇرامىن فينليانديالىق قورعاۋشى الەكس لينتۋنيەميمەن تولىقتىردى. بۇل تۋرالى كوماندانىڭ ءباسپاسوز قىزمەتى حابارلادى.
25 جاستاعى فين سپورتشىسى شايبالى حوككەيدەگى العاشقى قادامىن حيفك كومانداسىندا جاساعان. كەيىننەن ول ءوز ەلىنىڭ بىرنەشە كومانداسىندا جانە امەريكا حوككەي ليگاسىندا (احل) ونەر كورسەتكەن. 2014 جىلى اقش-تىڭ «لوس-اندجەلەس كينگس» كلۋبىنا اۋىسقانىمەن, بىردە-ءبىر رەت مۇزايدىنعا شىقپاعان.
سونىمەن قاتار لينتۋنيەمي ءار جىلدارى فينليانديانىڭ جاسوسپىرىمدەر جانە جاستار قۇراماسىندا ويناعان. ال بيىلدان باستاپ ەرەسەكتەر قۇرامىنا شاقىرتۋ الدى. ول «بارىس» قۇرامىنا فينليانديا بىرىنشىلىگىندە باق سىنايتىن يۋپ كلۋبىنان اۋىسىپ كەلدى. بيىلعى ماۋسىمدا الەكس اتالعان كوماندادا 11 ماتچ وتكىزىپ, ءتورت (1+3) ۇپاي جيناعان. لينتۋنيەميمەن كەلىسىمشارت ماۋسىمنىڭ سوڭىنا دەيىن جاسالعان.
ايتا كەتەيىك, «بارىس» بۇعان دەيىن قۇرامىن كانادالىق قورعاۋشى ديللون حەتەرينگتون جانە شابۋىلشى فيل ۆارونەمەن تولىقتىرعان ەدى.