ۇشتاعان اۋىلى اسقار وتەپبەرگەنوۆ اتىنداعى ورتا مەكتەپتىڭ 11 سىنىپ وقۋشىسى اينۇر ەگدىربەك بيىل تامىز ايىندا ونلاين وتكەن "اباي وقۋلارىنان" باس جۇلدە الىپ, حالىقارالىق دوداعا جولداما الدى. بۇل تۋرالى اينۇر ەگدىربەكتىڭ ۇستازى بارشاگۇل جۇماعاليەۆا حابارلادى, دەپ جازادى Egemen.kz
اينۇر ەگدىربەك ابايدىڭ 90 ولەڭى مەن 30 قاراسوزىن جاتقا بىلەدى. ۇلى اقىننىڭ ولەڭىنە قۇمارتقان ول اۋداندىق, وبلىستىق, رەسپۋبليكالىق "اباي وقۋلارى" سايىستارىندا جۇلدەلى ورىنعا قول جەتكىزدى. ول 12 جاستان بەرى "اباي وقۋلارى" سايىسىنا قاتىسىپ كەلەدى. 2019 جىلى سەمەي قالاسىندا وتكەن رەسپۋبليكالىق "اباي وقۋلارى" سايىسىنا قاتىسىپ, باس جۇلدەنى يەلەندى. بيىل ونلاين رەجىمدە ۇيىمداستىرىلعان جارىستا دا باس جۇلدە الدى. حالىقارالىق سايىس الداعى ۋاقىتتا نۇر-سۇلتان قالاسىندا وتەدى دەپ جوسپارلانعان.
"مەن اينۇرعا قازاق ءتىلى پانىنەن ساباق بەرەمىن. ول وتە ۇقىپتى. اينۇر تەك اباي اتامىزدىڭ ەمەس شاكارىمنىڭ ولەڭدەرىن دە جاتقا ايتادى. ءۇمىت كۇتەتىن شاكىرتتەرىمنىڭ ەرەكشە قابىلەتىن بىردەن كورەمىن. اسىرەسە اينۇر ەرەكشە قابىلەتتى. اراسىندا ولەڭ جازاتىنى دا بار", دەدى ۇستازى بارشاگۇل جۇماعاليەۆا.