ەلوردادا ۆولونتەرلىك قىزمەتتى دامىتۋ ماسەلەلەرىن تالقىلاۋعا باعىتتالعان حالىقارالىق كونفەرەنتسيا ءوتتى. قازاقستاندىق جانە حالىقارالىق ساراپشىلار, ۆولونتەرلىك ۇيىمداردىڭ باسشىلارى ەل دامۋىنداعى ۆولونتەرلىك قىزمەتتىڭ ماڭىزى مەن ءرولىن, وزىق تاجىريبەلەرى مەن پەرسپەكتيۆالارىن تالقىلادى.
وتكىزىلىپ وتىرعان حالىقارالىق كونفەرەنتسيا ۆولونتەرلىكتى دامىتۋدىڭ قازاقستاندىق تاجىريبەسىن ۇسىنۋدىڭ جانە حالىقارالىق دەڭگەيدە تاجىريبە الماسۋدىڭ بىرەگەي مۇمكىندىگى.
ۇيىمداستىرۋشىلاردىڭ ايتۋىنشا, ءبىر جىل ىشىندە ۆولونتەرلىك قىزمەتكە قاتىساتىن ازاماتتار مەن ۇيىمدار سانى ءوسىپ, ىسكە اسىرىلاتىن باعدارلامالار مەن جوبالار اۋقىمىنىڭ كەڭەيگەنى انىق. دەرەكتەرگە قاراساق, وسى ۋاقىت ىشىندە ۆولونتەرلىك ۇيىمدار مەن توپتاردىڭ سانى ءۇش ەسەگە ارتىپ, 600-گە جەتتى. تۇراقتى ۆولونتەرلەر سانى ەكى ەسەگە ارتىپ, بۇگىندە 100 مىڭنان استام ادامعا جۋىقتاعان.
قازاقستاندىق ۆولونتەرلەردىڭ قىزمەتى بۇكىل الەمدى شارپىعان پاندەميا قاۋپى كەزىندە ايرىقشا كورىندى. وسى قيىن كەزەڭدە ۆولونتەرلىك ىستەرگە 500 مىڭنان استام ادام تارتىلدى, ولاردىڭ تاراپىنان ميلليوننان اسا ازاماتقا كومەك كورسەتىلدى.
وسى ءبىر جىلدا «بىرگەمىز!» رەسپۋبليكالىق فرونت-ءوفيسى جانە 17 وڭىرلىك فرونت-وفيس اشىلدى. Qazvolunteer.kz ونلاين-پلاتفورماسى ىسكە قوسىلىپ, وندا 44 مىڭنان استام ۆولونتەر, 3 063 ۇيىم جانە 977 جوبا تىركەلگەن.
كونفەرەنتسيادا تاقىرىپتىق سەكتسيالارمەن قوسا پلەنارلىق وتىرىس ءوتتى. ونلاين فورماتتاعى پىكىرتالاس سەسسيالارىندا قاتىسۋشىلار ۆولونتەرلىك سالاسىنداعى IT-تەحنولوگيالار, ۆولونتەرلەردىڭ سOVID-19-عا قارسى كۇرەسكە قاتىسۋىنىڭ حالىقارالىق تاجىريبەسى, ۆولونتەرلىككە قاتىستى زاڭنامانى جەتىلدىرۋ جانە ۆولونتەرلەردىڭ مەملەكەتتىك ورگاندارمەن, قوعامدىق جانە بيزنەس-قۇرىلىمدارمەن ءوزارا ءىس-قيمىلى ماسەلەلەرىن تالقىلادى.
كونفەرەنتسياعا قاتىسۋشىلار 7 جالپىۇلتتىق جوبانىڭ, اتاپ ايتقاندا, «Sabaqtastyq», «Saýlyq», «Taza Álem», «Asyl mura», «Qamqor», «Úmit», «Bilim» شارالارىنىڭ جۇزەگە اسىرىلۋ بارىسى تۋرالى ايتتى. ونىڭ اياسىندا ەرىكتىلەردى قولداۋ ورتالىقتارى اشىلدى. ۆولونتەر بولعىسى كەلەتىن ازاماتتاردىڭ بارلىعىنا كەڭەس بەرۋ قىزمەتتەرى كورسەتىلدى. 7 مىڭنان استام ۆولونتەر وقىتىلدى. ۆولونتەرلىكتى دامىتۋ بويىنشا 50 باستاماشىل توپ قۇرىلدى.
كونفەرەنتسيا جۇمىسىنا بۇۇ يۋنيسەف بالالار قورىنىڭ توراعاسى ارتۋر ۆان ديزەن, بۇۇ ەۋروپا مەن ورتالىق ازياعا ارنالعان ۆولونتەرلەر باعدارلاماسىنىڭ ايماقتىق مەنەدجەرى ريمما ساباەۆا, سونداي-اق قازاقستاندىق ەرىكتىلەر, ۇەۇ وكىلدەرى, جالپىۇلتتىق ۆولونتەرلىك جوبالار امباسسادورلارى, رەسەي, قىرعىزستان, وزبەكستان, ازەربايجان جانە مولدوۆا ۆولونتەرلىك ۇيىمدارىنىڭ وكىلدەرى قاتىستى.