ەلوردادا جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن تۇرعىن ءۇي الۋعا قۇجات قابىلداۋ اياقتالدى. 1-6 جەلتوقسان ارالىعىندا نۇر-سۇلتان تۇرعىن ءۇي قورىنا 5463 ءوتىنىش كەلىپ ءتۇستى.
بۇگىننەن باستاپ 12 جەلتوقسانعا دەيىن تالاپكەرلەر قۇجاتتار توپتاماسىنا قاجەت بولعان جاعدايدا تۇزەتۋلەر ەنگىزە الادى. ءوتىنىش بەرۋشىلەر بۇل تۋرالى katysu.zhilfond.kz پورتالىنا تىركەلۋ كەزىندە كورسەتىلگەن تەلەفون نومىرىنە SMS حابارلاما الۋى كەرەك. ەلوردانىڭ تۇرعىن ءۇي قورى اتاپ وتكەندەي, ءوتىنىشتى مودەراتور وڭدەيتىن بولعاندىقتان, ۇمىتكەرلەرگە ونىڭ مارتەبەسى تۋرالى SMS حابارلاما جىبەرىلەدى.
سونىمەن, «قاتىسۋعا قۇقىلى» دەگەنىمىز ءوتىنىش بەرۋشىنىڭ قۇجاتتاردىڭ تولىق ءتىزىمىن تىركەگەنىن جانە باعدارلاما شارتتارىنا سايكەس كەلەتىندىگىن بىلدىرەدى. بۇل جاعدايدا تاڭداۋ ناتيجەلەرىن كۇتۋ كەرەك.
ەگەر حابارلامادا «تۇزەتۋ قاجەت» دەپ جازىلعان بولسا, وندا ءوتىنىش بەرۋشى قۇجاتتاردىڭ تولىق ەمەس ءتىزىمىن تىركەدى جانە وعان قۇجاتتاردى تولىقتىرۋ قاجەت. جەكە كابينەتتە قانداي قۇجاتتاردىڭ جوقتىعىن بىلۋگە بولادى.
«جەكە كابينەتىڭىز تەك 2020 جىلدىڭ 7 مەن 12 جەلتوقسان ارالىعىندا قولجەتىمدى. وعان شەكتەۋسىز رەت ەنگىزۋ مۇمكىن بولادى, بىراق ءسىز فايلداردى قوسىپ, ەسق كىلتىمەن ءبىر رەت قانا قول قويا الاسىز! بىرىنشىدەن, سىزگە تۇزەتۋ قاجەتتىلىگى تۋرالى SMS-حابارلاما كەلىپ ءتۇسۋى كەرەك جانە ونى تۇزەتكەننەن كەيىن عانا, ايتپەسە ءسىز مودەراتوردىڭ تۇسىنىكتەمەلەرىن كورە المايسىز», - دەپ ءتۇسىندىردى تۇرعىن ءۇي قورى.
ەگەر «تەرىسكە شىعارىلدى» دەگەن SMS كەلىپ تۇسسە, ءوتىنىش بەرۋشى باعدارلامانىڭ شارتتارىنا سايكەس كەلمەيدى. مىسالى, ونىڭ سوڭعى ەكى جىلدا تۇراقتى تۇرۋعا رۇقساتى جوق, مەنشىك قۇقىعىنداعى مۇلكى بار, تابىسى جەتكىلىكسىز جانە ت.ب. باس تارتۋدىڭ سەبەبى ەلەكتروندى پوشتا ارقىلى جىبەرىلەدى.
ەسكە سالايىق, باعدارلامانىڭ تالاپتارىنا سايكەس, سوڭعى ەكى جىلدا مەنشىك قۇقىعىندا تۇرعىن ءۇيى جوق 29 جاسقا دەيىنگى قازاقستان ازاماتتارى جالعا بەرىلەتىن تۇرعىن ءۇي الۋعا ءوتىنىش بەرە الادى. سونىمەن قاتار ەرلى-زايىپتىلار مەن بالالاردىڭ مۇلكى بولماۋى كەرەك. تۇراقتى تۇرۋعا رۇقسات سوڭعى ەكى جىلداعى ءۇزىلىسسىز قاجەت. سونداي-اق ءوتىنىش بەرۋشىلەردىڭ رەسمي كىرىسى 40 اەك نەمەسە سوڭعى التى ايدا 111 120 تەڭگەنى قۇراۋى كەرەك.
باعدارلاما بويىنشا بارلىعى 350 ءبىر بولمەلى جالدامالى پاتەر بەرۋ جوسپارلانىپ وتىر. ولار ورنالاسقان ۇيلەر ر.قوشقارباەۆ داڭعىلى مەن قورداي داڭعىلىنىڭ قيىلىسىندا, سونداي-اق ابىلاي حان مەن ب.مومىش ۇلى داڭعىلىندا ورنالاسقان. تۇرعىن ءۇيدىڭ اۋدانى 31-دەن 47 شارشى مەترگە دەيىن. اي سايىنعى جالداۋ اقىسى 5000-نان 15000 تەڭگەگە دەيىن بولادى. جالعا الۋ مەرزىمى - بەس جىل.
ساتىپ الۋ قۇقىعىنسىز جالعا بەرىلەتىن تۇرعىن ءۇيدى الۋشىلاردىڭ ءتىزىمى zhilfond.kz سايتىندا جاريالانادى.
باعدارلاماعا قاتىستى بارلىق سۇراقتار بويىنشا 109 بايلانىس ورتالىعىنا حابارلاسۋعا بولادى.