مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتى مەملەكەتتىك قىزمەتشىلەردىڭ اۋىسۋ قاعيدالارىن, سونداي-اق ولارعا روتاتسيا جۇرگىزۋ قاعيدالارىنا ەنگىزىلگەن وزگەرىستەردى ءتۇسىندىرۋ ماقساتىندا وبلىستىق باسقارمالاردىڭ ءبىرىنشى باسشىلارى, قالالار مەن اۋداندار اكىمدەرى اپپاراتتارىنىڭ باسشىلارى, قالالار مەن اۋداندار اكىمدەرى اپپاراتتارىنىڭ, سونداي-اق ورتالىق مەملەكەتتىك ورگانداردىڭ اۋماقتىق بولىمشەلەرىنىڭ پەرسونالدى باسقارۋ قىزمەتتەرىنىڭ باسشىلارى ءۇشىن سەمينار ۇيىمداستىردى.
ءوز سوزىندە دەپارتامەنتتىڭ مەملەكەتتىك قىزمەت باسقارماسىنىڭ باسشىسى رايحان براتاەۆا «ب» كورپۋسىنىڭ بوس نەمەسە ۋاقىتشا بوس مەملەكەتتىك اكىمشىلىك لاۋازىمدارىنا كونكۋرس وتكىزبەي-اق, اۋىسۋ تارتىبىمەن ورنالاسۋدىڭ نەگىزگى ەرەجەلەرىن اتاپ ءوتتى. ونىڭ ايتۋىنشا, مەملەكەتتىك قىزمەتشىنىڭ ءبىر لاۋازىمداعى ءوتىلى كەم دەگەندە ەكى جىل نەمەسە ودان ارتىق مەرزىمدى قۇراسا, سول مەملەكەتتىك ورگاننىڭ ىشىندە تەڭ دارەجەلى لاۋازىمعا, نە بولماسا ودان ءبىر دەڭگەي جوعارى تۇرعان لاۋازىمعا اۋىسۋ تارتىبىمەن ورنالاسا الادى.
بۇل رەتتە, مەملەكەتتىك قىزمەتشىنىڭ قىزمەتتىك ادەپ نورمالارىن بۇزعانى نەمەسە مەملەكەتتىك قىزمەتتىڭ بەدەلىنە نۇقسان كەلتىرەتىن تارتىپتىك تەرىس قىلىق جاساعانى ءۇشىن شەشىلمەگەن تارتىپتىك جازاسى بولعان جاعدايدا, ونىڭ جوعارىدا كورسەتىلگەن لاۋازىمدارعا اۋىسۋ تارتىبىمەن ورنالاسۋىنا جول بەرىلمەيدى.
سونداي-اق, مەملەكەتتىك قىزمەتشىلەرگە روتاتسيا جۇرگىزۋ مەرزىمى مەن قاعيدالارىنا, روتاتسياعا جىبەرىلەتىن مەملەكەتتىك قىزمەتشىلەردىڭ ساناتتارى مەن لاۋازىمدارىنا, «ا» جانە «ب» كورپۋستارىنىڭ مەملەكەتتىك ساياسي جانە اكىمشىلىك قىزمەتشىلەرىنە روتاتسيا جۇرگىزۋ تارتىبىنە, روتاتسيا مەرزىمىن ۇزارتۋ جانە ونى قابىلداۋدان باس تارتۋ جاعدايلارىنا قاتىستى تۇسىنىكتەمەلەر بەرىلدى.