ارىپتەستىك تۋرالى مەموراندۋمعا قول قويدى

ونلاين-كەزدەسۋدە ازەرباي­جان­دىق جانە قازاقستاندىق ۆولون­تەرلىك ۇيىمداردىڭ وكىل­دەرى, ءاۆۇو توراعاسى تۇرال گۋمباتوۆ جانە «ۇلتتىق ۆولون­تەر­لىك جەلى»  اتقارۋشى ديرەكتورى تاتيانا ميرونيۋك ءسوز سوي­لەدى. 

ء«بىزدىڭ ازەربايجاندا دا وسى جىل ۆولونتەرلەر جىلى دەپ بەلگىلەندى. ەلىمىز ءۇشىن كوپ نار­سەلەر ىستەپ جاتقانىمىزعا قۋا­نىشتىمىز. قولىمىزدان كەل­گەننىڭ ءبارىن جاساۋدى توقتات­پايمىز. ءبىز قازاقستاننان جانە بۇكىل الەمنەن ۆولونتەرلەردى شا­قى­رامىز», دەدى ازەربايجان ۆولونتەرلىك ۇيىمدارى وداعىنىڭ توراعاسى.

ءوز كەزەگىندە تاتيانا مي­رو­نيۋك ەكى ەل اراسىنداعى ىن­تى­ماق­­تاستىقتى دامىتۋعا ءوز سە­نى­مىن ءبىل­دىردى: «ۆولونتەرلىك ار­قاشان جۇ­رەكتەن وتەدى. ءبىز­دىڭ بارلىق كۇش-جىگەرىمىز بەن ويىمىزدى ۆو­لون­تەرلىك قىز­مەت سياقتى كەرەمەت ارناعا بىرىك­تىر­گەنىمىز وتە جاقسى».

كونفەرەنتسياعا ەكى ەلدىڭ ۆو­لون­­تەرلەرى دە قاتىستى. ولار ءوز قىزمەتى تۋرالى ايتىپ, جە­كە تاجىريبەلەرىمەن ءبولىستى. ۆولون­تەرلەر ەكولوگيالىق, الەۋمەتتىك, ءبىلىم بەرۋدەگى جانە فورمۋلا-1 سياقتى ءىرى ءىس-شارالارداعى ۆولون­تەرلىكتىڭ كەڭ سپەكترىن ۇسىندى.

كەزدەسۋ بارىسىندا ۆولونتەرلەر بايلانىستى قولداۋ ءۇشىن جەكە اقپاراتتارىمەن الماستى, ءتىپتى ورتاق جوبالاردى قۇرۋعا جا­نە ولارعا قاتىسۋعا تىكەلەي قى­­زى­عۋشىلىق تانىتتى. ءىس-شارا ۇيىم­دار اراسىندا ەكى جاقتى مە­موراندۋمعا قول قويۋمەن اياق­تالدى.