بۇگىن شىمكەنتتە العاش رەت قالالىق № 1 اۋرۋحاناسىندا Biolitec (گەرمانيا) كومپانياسى شىعارعان LEONARDO لازەر اپپاراتىن قولدانۋىمەن شەبەرلىك ساعاتى ءوتتى, دەپ حابارلايدى Egemen.kz.
ەڭ سوڭعى ۇلگىدەگى LEONARDO لازەرلىك اپپاراتى كوپفۋنكتسيونالدى جانە ونى قولدانۋ اياسى وتە كەڭ.
اتاپ ايتقاندا: گەمورروي, فيستۋلا, گينەكولوگيالىق, ۋرولوگيالىق, لور اۋرۋلارى, ومىرتقا گرىجالارى جانە قالقانشا بەزىنىڭ تۇيىندەرى سياقتى اۋرۋلاردى ەمدەي الادى. بۇرىن مۇنداي وپەراتسيالار ۇزاق جاسالاتىن, وپەراتسيادان كەيىن ايتارلىقتاي تىرتىقتار قالاتىن. ناۋقاس وسىنداي جاراقاتتانۋدان كەيىن ۇزاق ۋاقىت قالپىنا كەلەتىن. ال ەندى زاماناۋي لازەرلىك تەحنولوگيا وسى ماسەلەلەردىڭ بارلىعىن شەشتى. وپەراتسيا ۇزاقتىعى 15-20 مينۋت, اۋىرسىنۋسىز,ناركوزسىز, وپەراتسيادان كەيىن تىرتىق قالمايدى, بىرنەشە ساعاتتان سوڭ ناۋقاس ءتىپتى ۇيىنە قايتادى.
شىمكەنت قالاسىنىڭ دارىگەرلەرى جاڭا ادىستەر مەن زاماناۋي مەديتسينالىق تەحنولوگيالاردى ەنگىزۋ ارقىلى كوپتەگەن جەتىستىكتەرگە جەتۋدى جوسپارلاۋدا.