شىمكەنت قالاسىندا «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى اياسىندا 90 جوباعا 1,0 ملرد تەڭگە بولىنگەن. وسى باعدارداما شەڭبەرىندە «قاراپايىم زاتتار ەكونوميكاسى» بويىنشا 88,5 ملرد تەڭگەگە 90 كاسىپورىننان ۇسىنىستار ءتۇسىپ, ونىڭ 54 ءوندىرىس ورنى 35,6 ملرد تەڭگە كولەمىندە قارجىلاندىرىلعان, دەپ حابارلايدى Egemen.kz.
سونىمەن قاتار, قالادا كاسىپكەرلەرگە وڭتايلى جاعداي جاساۋ ءۇشىن «كاسىپكەرلەرگە ارنالعان ۇكىمەت» فرونت-ءوفيسى اشىلىپ, شاعىن جانە ورتا بيزنەس ءۇشىن ەكىنشى دەڭگەيلى بانكتتەر تاراپىنان 35,0 ملرد تەڭگە نەسيە بەرىلگەن. بۇل تۋرالى شىمكەنت قالاسىنىڭ اكىمى مۇرات ايتەنوۆ پرەزيدەنت جانىنداعى وكق الاڭىندا وتكەن ءباسپاسوز بريفينگ كەزىندە مالىمدەدى.
سپيكەردىڭ سوزىنشە شىمكەنتتە ينۆەستيتسيالىق جوبالاردى باقىلاۋ مەن مەملەكەتتىك باعدارلامالاردى ساپالى ىسكە اسىرۋ ماقساتىندا پيلوتتىق رەجيمدە «جوبالىق باسقارۋ كەڭسەسى» قۇرىلعان.
"قالاعا تارتىلاتىن ينۆەستيتسيانىڭ كولەمى دە ارتىپ كەلەدى. وسى جىلدىڭ 10 ايىندا قالا ەكونوميكاسىنا 223,4 ملرد تەڭگە ينۆەستيتسيا تارتىلىپ, وتكەن جىلدىڭ ءتيىستى كەزەڭىمەن سالىستىرعاندا 54,3 پايىزعا ارتتى. ينۆەستيتسيالىق ءوسىم بويىنشا شىمكەنت رەسپۋبليكادا 2-ءشى ورىندا تۇر", - دەدى مۇرات دۇيسەنبەك ۇلى.
سونىمەن قاتار, شىمكەنتتە مەملەكەت باسشىسىنىڭ تاپسىرماسىنا سايكەس ينۆەستورلاردىڭ پۋلىن جاساقتاۋ بويىنشا 2020-2025 جىلدار ارالىعىندا قۇنى 1,4 ترلن تەڭگەنى قۇرايتىن 157 ينۆەستيتسيالىق جوبالاردىڭ بازاسى ازىرلەنگەن. ونىڭ ىشىندە وسى جىلى شەتەل ينۆەستورلارىنىڭ قاتىسۋىمەن 13,1 ملرد تەڭگەگە 350 جاڭا جۇمىس ورنىمەن 5 جوبا ىسكە اسىرىلىپ وتىر.