ارقالىقتاعى مامانداندىرىلعان بالالار ءۇيىنىڭ باس دارىگەرى ءۇش جىل بويى بالالارعا ارنالعان ازىق-ت ۇلىكتى جىمقىرىپ كەلگەن. سوت مالىمەتىنشە, 2016-2019 جىلدار ارالىعىندا بالالار ۇيىندە جىل سايىن 15-20 شاقتى جەتىمەك تاربيەلەنگەن. بىراق مەكەمەگە 30 بالاعا ارنالعان ازىق-ت ۇلىك جەتكىزىلىپ وتىرعان, دەپ حابارلايدى Egemen.kz.
"سوتتالۋشى 2016 جىلدىڭ قاڭتار ايىنان 2019 جىلعى قاراشاعا دەيىن بالالار ۇيىنەن جالپى سوماسى 3 ملن تەڭگەدەن اساتىن ازىق-ت ۇلىك, سونداي-اق 1 ملن تەڭگەنىڭ جانارمايىن ۇرلاعان. س.ورازالينا سوت بارىسىندا ءوز ايىبىن مويىنداعان جوق. سوتتالۋشىنىڭ كىناسى جابىرلەنۋشىلەر مەن كۋالاردىڭ جاۋاپتارى ارقىلى, سونداي-اق قىلمىستىق ءىس بارىسىندا جۇرگىزىلگەن ساراپتاما قورىتىندىلارى بويىنشا دالەلدەندى", - دەپ مالىمدەدى وبلىستىق سوتتىڭ ءباسپاسوز قىزمەتى.