قىستىڭ ءبىرىنشى كۇنى-اق گلۋبوكوە اۋدانىنىڭ تۇرعىنى اياق-قولىن ءۇسىتىپ العان, - دەپ جازادى Egemen.kz
1 جەلتوقسان كۇنى كەشكى ساعات 19.55-شاماسىندا قۇتقارۋشىلارعا گلۋبوكوە اۋدانى, ۋلبا-پەرەۆالوچنايا اۋىلىنىڭ تۇرعىنىنان قوڭىراۋ كەلىپ تۇسكەن. 1980 جىلى تۋعان ەر ادام اياق-قولىن ءۇسىتىپ الىپ, ءوز بەتىمەن اۋرۋحاناعا جەتە الماعان ەكەن. ال جەدەل جاردەم كولىگى زارداپ شەگۋشىنىڭ ءۇيى قيىن جەردە ورنالاسقاندىقتان جەتە الماعان.
توتەنشە جاعدايلار دەپارتامەنتىنىڭ قۇتقارۋشىلارى شاقىرۋ ورنىنا بارسا, ەر ازامات 3-4 كۇن وت جاعىلماعان ۇيدە تۇرىپ جاتقان ەكەن. قۇتقارۋشىلارى ونى زەڭبىلگە سالىپ, جەدەل جاردەم كولىگىنە جەتكىزگەن.
توتەنشە جاعدايلار دەپارتامەنتىنىڭ ماماندارى تۇرعىندارعا ايازدى كۇندەرى ءۇسىپ قالماۋ ءۇشىن اسا ساق بولۋ كەرەكتىگىن ايتادى.
گلۋبوكوە اۋدانى