ەلوردادا قوعامدىق تاماقتانۋ ورىندارىنىڭ بىرىندە جارىلىس بولدى

ۆەدومستۆو حابارلاعانداي 1 قازاندا ساعات 22.14-تە ءورت ءسوندىرۋ قىزمەتتەرى بايتۇرسىن ۇلى 43/2 مەكەنجايى بويىنشا شاقىرتۋعا شىققان. ولار ساعات 22.19-دا وقيعا ورنىنا جەتكەندە جاڭادان سالىنىپ جاتقان ءۇيدىڭ تەرريتورياسىندا اسحانا رەتىندە پايدالانىلعان, 150 شارشى مەتر بولاتىن بولەك تۇرعان قۇرىلىس ورتەنىپ جاتقانىن انىقتاعان, ماڭىندا تۇرعان اعاش تاباندىقتارى جانىپ جاتقانى بەلگىلى بولدى.

بەلگىلى بولعانداي, گاز باللونى جارىلعان. ءورت ءسوندىرۋ قىزمەتى 4 گاز باللونىن ءورت اۋماعىنان الىپ شىققان.

ء"ورت 22.36-دە اۋىزدىقتالىپ, 22.50-دە تولىق ءسوندىرىلدى. ابىروي بولعاندا, ەشكىم زارداپ شەككەن جوق. ءورت سەبەبى انىقتالادى. وقيعا ورنىنا 4 دانا تەحنيكا مەن جەكە قۇرامنىڭ 23 قىزمەتكەرى تارتىلدى" دەلىنگەن حابارلامادا.

ەسكە سالا كەتەيىك, بۇعان دەيىن 22 قاراشادا نۇر-سۇلتانداعى كافەلەردىڭ بىرىندە جارىلىس بولعان ەدى. ول كەزدە كوپسالالى اۋرۋحاناعا ءتۇرلى جاراقاتپەن 23 ادام جەتكىزىلىپ, 2 ادام قازا تاپقان بولاتىن. بۇدان سوڭ, گاز قولدانىلاتىن جەرگىلىكتى قوعامدىق تاماقتانۋ ورتالىقتارىن تەكسەرۋ جۇمىستارى باستالدى.