تۇركىستان وبلىسىنىڭ پوليتسەيلەرى كەزەكتى كوكپار ۇيىمداستىرۋشىلارىن جاۋاپكەرشىلىككە تارتتى, دەپ حابارلايدى Egemen.kz Polisia.kz-كە سىلتەمە جاساپ.
ەستەرىڭىزگە سالا كەتەيىك, باس مەملەكەتتىك سانيتارلىق دارىگەردىڭ قاۋلىسىنا سايكەس تۇركىستان وبلىسىنىڭ اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا كارانتين ەنگىزىلگەن. كۇن سايىن پوليتسيا مەن سەس جانە باسقا دا مۇددەلى ورگانداردىڭ وكىلدەرىنەن تۇراتىن ارنايى توپتار حالىق اراسىندا كارانتين تالاپتارىن ساقتاۋ بويىنشا پروفيلاكتيكالىق جانە ءتۇسىندىرۋ جۇمىستارىن جۇرگىزەدى. موبيلدىك توپتار دۇكەندەر, بازارلار, ويىن-ساۋىق ورىندارى, ءدارىحانالار جانە وزگە دە ساۋدا ورىندارىندا سانيتاريالىق-ەپيدەميولوگيالىق نورمالاردىڭ بۇزىلۋىن انىقتاۋ ماقساتىندا تەكسەرەدى. وسىعان قاراماستان, كەيبىر ازاماتتار مەن مەكەمەلەردىڭ يەلەرى بۇل تالاپتاردى ەلەمەي, وتباسىلىق جانە ۇيلەنۋ تويلارىن ۇيىمداستىرىپ, كوبىنەسە تۋىستارى مەن شاقىرىلعان قوناقتارىنىڭ ءومىرى مەن دەنساۋلىعىنا قاۋىپ توندىرەدى.
مىسالى, تولە بي اپب-ءنىڭ قىزمەتكەرلەرى رەيدتىك ءىس-شارالار كەزىندە اۋىلداردىڭ ءبىرىنىڭ جانىندا كەزەكتى “كوكپار” جايتىن انىقتادى. ءتارتىپ ساقشىلارى “كوكپارعا” قاتىسۋشىلاردى دەرەۋ توقتاتىپ, ولارمەن كارانتيندى بۇزۋعا جول بەرمەۋ تۋرالى ءتۇسىندىرۋ جۇمىستارىن جۇرگىزىپ, تۇگەل ۇيلەرىنە تاراتتى. ءىس-شارانى ۇيىمداستىرۋشىعا قر اقبتك-ءنىڭ 425-بابى (حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردى بۇزۋ) بويىنشا اكىمشىلىك حاتتاما تولتىرىلدى. جينالعان ماتەريالدار زاڭدى شەشىم قابىلداۋ ءۇشىن ءتيىستى قۇزىرەتتى ورگاندارعا جىبەرىلدى. ناتيجەسىندە “كوكپار” ۇيىمداستىرۋشى تولە بي اۋدانىنىڭ تۇرعىنىنا 30 اەك كولەمىندە اكىمشىلىك ايىپپۇل سالىندى.
ءوز كەزەگىندە پوليتسەيلەر تۇركىستان وبلىسىنىڭ تۇرعىندارى مەن قوناقتارىن كارانتين رەجيمى مەن سانيتارلىق-ەپيدەميولوگيالىق نورمالاردىڭ تالاپتارىن بۇزباۋعا شاقىرادى. بازارلارعا, دۇكەندەرگە جانە ادامدار كوپ جينالاتىن باسقا جەرلەرگە, قوعامدىق كولىكتەرگە بارعان كەزدە مەديتسينالىق بەتپەردە كيىپ, انتيسەپتيكتەردى پايدالانۋ جانە الەۋمەتتىك قاشىقتىقتى ساقتاۋ قاجەت.