ماڭعىستاۋ وبلىسى پوليتسيا دەپارتامەنتىندە 1 جەلتوقسان – تۇڭعىش پرەزيدەنت كۇنىنە وراي مەرەكەلىك شارا ءوتتى, دەپ حابارلايدى Egemen.kz
اتاۋلى شارا بارىسىندا دەپارتامەنت باسشىسى جاناربەك باقتىباەۆ جەكە قۇرامدى مەرەكەمەن قۇتتىقتاپ, ىشكى ىستەر ءمينيسترى ە.تۇرعىمباەۆتىڭ بۇيرىعىمەن قىزمەتتىك مىندەتتەرىن ادال اتقارعان جانە قىزمەت اتقارۋ بارىسىندا جوعارى ناتيجەلەرگە قول جەتكىزگەن 13 پوليتسيا قىزمەتكەرلەرىنە توسبەلگىلەر, مەدالدار, قۇرمەت گراموتالارى مەن العىس حاتتار سياقتى ماراپاتتاردى سالتاناتتى تۇردە تابىستاپ, ۆەدومستۆو باسشىلىعىنىڭ اتىنان قارجىلاي سىياقىلار بەردى.
"ەلىمىزدىڭ ەل بولۋ شەجىرەسى سان ءتۇرلى بەلەستەردەن تۇرادى. سول بەلەستەردىڭ ەڭ العاشقىسى ول ەلىمىزدىڭ تۇڭعىش پرەزيدەنتىنىڭ سايلانۋى بولاتىن. تاۋەلسىز قازاقستاندى سىندارلى جولداردان, سان ءتۇرلى بەلەستەردەن قۇلاتپاي, سۇرىندىرمەي الىپ شىعۋ ءۇشىن دە ۇلكەن قاجىر قايرات پەن ۇلتىنا, قازاعىنا دەگەن سۇيىسپەنشىلىك كەرەك ەدى. ەلباسىنىڭ بىلىكتىلىگى مەن كورەگىندىگىنىڭ جانە ونىڭ سىندارلى ساياساتىنىڭ ارقاسىندا ءبىز بۇگىنگى كۇنگە جەتتىك. ول ەلگە تاۋەلسىزدىك سىيلاعان تۇلعا رەتىندە دە ۇلكەن قۇرمەتكە يە. بۇل كۇن ءبىز ءۇشىن ايتۋلى مەرەكە", دەپ اتاپ ءوتتى گەنەرال-مايور ج.باقتىباەۆ.