تۇڭعىش پرەزيدەنت كۇنى قارساڭىندا پارتيانىڭ بارلىق فيليالدارىندا "Nur Otan" پارتياسىنىڭ قاتارىنا سالتاناتتى قابىلداۋ ءراسىمى ءوتتى, دەپ حابارلايدى Egemen.kz.
«Nur Otan» پارتياسى قىزىلوردا وبلىستىق فيليالىنىڭ توراعاسى, وبلىس اكىمى گ.ابدىقالىقوۆا تۇڭعىش پرەزيدەنت كۇنى قارساڭىندا پارتيا قاتارىنا جاڭا مۇشەلەردى سالتاناتتى تۇردە قابىلدادى, ولاردى پارتيا توراعاسىنىڭ ستراتەگيالىق جوسپارىن جۇزەگە اسىرۋ جولىندا بەلسەندى جۇمىس جاساپ, ايماقتىڭ ءوسىپ – وركەندەۋىنە پارتيا مۇشەسى رەتىندە لايىقتى ۇلەس قوساتىندارىنا سەنىم ءبىلدىردى. سونىمەن قاتار «حالىق العىسى» توسبەلگىسىنىڭ يەگەرلەرىن ماراپاتتادى.
پارتيا قاتارىن كاسىپكەرلەر, مۇعالىمدەر مەن عالىمدار, جۋرناليستەر, ستۋدەنتتەر تولىقتىردى.
سالتاناتتى شارانىڭ العى سوزىندە وبلىس اكىمى گۇلشارا ابدىقالىقوۆا الدىمەن بارلىق قاتىسۋشىلاردى قر تۇڭعىش پرەزيدەنتى كۇنىمەن قۇتتىقتاپ, تاۋەلسىز قازاق مەملەكەتىنىڭ ساياسي ساحناسىندا ەرەكشە ورىن العان تاريحي تۇلعا, ەلباسى نۇرسۇلتان ءابىش ۇلى نازارباەۆتىڭ ەڭبەگىنە توقتالىپ, الداعى مىندەتتەردى اتاپ ءوتتى.
«25 قاراشادا وتكەن كەزەكتەن تىس حح سەزدە پارتيا توراعاسى نۇرسۇلتان ءابىش ۇلى پارتيا جۇمىسىن جاڭعىرتۋدى قورىتىندىلادى.پارتيامىزدىڭ مىقتى ليدەرلەرى ايقىندالىپ, الداعى باعدارلاما بەكىتىلدى.بۇل تۇرعىدا بارلىق پارتيالاستارىمىز ءۇشىن نۇرسۇلتان ءابىش ۇلىنىڭ حح سەزدەاتاپ وتكەن جاۋاپكەرشىلىك, جۇدىرىقتاي جۇمىلۋ, ورتاق مۇرات-ماقساتتارعا ادالدىق قاعيدالارى باسشىلىققا الىنۋى ءتيىس.پارتيانىڭ نەگىزگى ءۇش قاعيداسىن ۇستانۋ بىزگە ەلباسى ساياساتىنىڭ ساباقتاستىعىن قامتاماسىز ەتۋگە مۇمكىندىك بەرەدى. سوندىقتان بۇگىنگى سالتاناتتى شارا پارتيا قاتارىنا جاڭادان قابىلدانۋشىلارعا ۇلكەن جاۋاپكەرشىلىك جۇكتەۋمەن قاتار, الداعى جۇمىستاردى اتقارۋعا مول كۇش – قۋات بەرەرى ءسوزسىز», - دەدى وبلىستىق فيليال توراعاسى.
جاڭادان پارتيا قاتارىنا قوسىلعان ازاماتتار اتىنان ءسوز العان قىزىلوردا قالالىق م.ەراليەۆا اتىنداعى مادەنيەت ءۇيىنىڭ ديرەكتورى, رەسپۋبليكالىق «سەرپەر» سىيلىعىنىڭ يگەرى, ايتىسكەر اقىن نۇرمات مانسۇروۆ «Nur Otan» – ەلباسىنىڭ, ەلدىڭ پارتياسى, حالىقتىڭ قامقورشىسى ەكەنىن اتاپ ءوتىپ, پارتيا قاتارىنا قوسىلعان ءاربىر ازامات ەلىمىزدىڭ دامۋى, حالقىمىزدىڭ ءال اۋقاتىنىڭ ارتۋى جولىندا الدىنا ماقسات قويىپ, سول ماقساتىنىڭ ورنىدالۋىنا جۇمىس جاساۋ كەرەك ەكەنىن ايتتى.
تۇڭعىش پرەزيدەنت كۇنى قارساڭىندا ەلمەن بىرگە دامىپ, حالىقپەن قاتار جاساسىپ, زامان تالابىنا ساي جاڭارىپ, جاڭعىرىپ كەلە جاتقان «Nur Otan» پارتياسىنىڭ قاتارىنا قابىلدانعانىم ءۇشىن شەكسىز ريزامىن ,- دەدى, قۋانىشىمەن بولىسكەن مانسۇر نۇرمات.
ايتا كەتەيىك, پارتيا قاتارىنا 13 ازامات قابىلدانىپ, 4 ادام «حالىق العىسى توسبەلگىسىمەن ماراپاتتالدى. بۇگىنگى كۇنى «Nur Otan» پارتياسى قىزىلوردا وبلىستىق فيليالىنا قاراستى 11 فيليالعا جالپى سانى 43 810 پارتيا مۇشەسى تىركەلگەن.