ايبەك ورالباي قازاقستان چەمپيونى تيتۋلىن ساقتاپ قالدى

شىمكەنتتە وتكەن قازاقستان چەمپيوناتىندا 91 كەلى سالماق دارەجەسىندە جۇدىرىقتاسقان ەلوردالىق سپورتشى ايبەك ورالباي ەكىنشى رەت چەمپيوندىق تيتۋلىن ساقتاپ قالدى. اقتىق سىندا ول نۇر-سۇلتان قالاسىنىڭ سپورتشىسى توعامباي ساعىندىقپەن جۇدىرىقتاستى.

"ايبەك ورالباي ءوزىنىڭ مىقتىلىعىن تاعى ءبىر مارتە دالەلدەپ التىن بەلبەۋ يەلەندى. توعامباي ساعىندىققا جارىستىڭ كۇمىس جۇلدەسى بۇيرىعى. ال 81 كەلىدە سىنعا تۇسكەن نۇربەك ورالباي فينالدىق كەزدەسۋدە ماڭعىستاۋلىق بەكزات نۇرداۋلەتوۆكە ەسە جىبەردى. نۇربەك تە بۇل چەمپيوناتتى كۇمىسپەن قورىتىندىلادى. 60 كەلىدە يلياس سۇلەيمەنوۆ ەل بىرىنشىلىگىنىڭ قولا جۇلدەسىنە قول جەتكىزدى",- دەپ حابارلادى ەلوردالىق دەنە شىنىقتىرۋ جانە سپورت باسقارماسى.

بىلعارى قولعاپ شەبەرلەرىنىڭ باسەكەسىندە نۇر-سۇلتان قالاسى قۇراماسىنىڭ قىزدارى دا جوعارى ناتيجە كورسەتىپ, جالپى كوماندالىق ەسەپتە ءبىرىنشى ورىنعا شىقتى.

"قۇراما ساپىندا سىنعا تۇسكەن لياززات كۇنگەي̆باەۆا (+81), حالزوۆا ۆالەنتينا (69 كگ) , ۆولوسەنكو ريمما (60 كگ) ءبىرىنشى ورىندى يەلەنىپ , التىننان القا تاقسا, مارات اراي̆لىم (48 كگ), ۆولنوۆا مارينا (75 كگ) ەكىنشى ورىنعا تابان تىرەدى. ال ءوز كەزەگىندە 57 كەلى سالماقتا سىنعا تۇسكەن سانيا سۇلتانقىزى ءۇشىنشى ورىن يەگەرى اتاندى", - دەلىنگەن حابارلامادا.

وسىلاي̆شا ەلوردانىڭ قىزدار كومانداسى ەل چەمپيوناتىن 3 التىن 2 كۇمىس, 1 قولا جۇلدەمەن قورىتىندىلادى.