الماتى قالاسىنداعى دوستىق ۇيىندە قازاقستان حالقى اسسامبلەياسىنىڭ قازاقستان حالقى اسسامبلەياسىنىڭ ەتنوجۋرناليستيكا سالاسىنداعى "شاڭىراق" رەسپۋبليكالىق شىعارماشىلىق بايقاۋىنىڭ جەڭىمپازدارى ماراپاتتالدى, دەپ حابارلايدى Egemen.kz.
باق وكىلدەرىن 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنت كۇنى مەرەكەسىمەن قۇتتىقتاي وتىرىپ, قحا توراعاسىنىڭ ورىنباسارى جانسەيىت تۇيمەباەۆ مەملەكەت ساياساتىن اقپاراتتىق تۇرعىدان قولداۋعا, قوعامدىق كەلىسىم مەن جالپىۇلتتىق بىرلىكتى نىعايتۋعا, قازاقستان حالقى اسسامبلەياسىنىڭ قىزمەتىن ناسيحاتتاۋعا ۇلەس قوسىپ جۇرگەن جۋرناليستەرگە العىسىن ءبىلدىردى.
"بارىمىزگە بەلگىلى قازاقستان رەسپۋبليكاسىنىڭ تۇڭعىش پرەزيدەنتى-ەلباسى ن.ءا.نازارباەۆتىڭ كوشباسشىلىعىمەن ەلىمىز الەمنىڭ ساياسي كارتاسىنان لايىقتى ورىن الىپ, بيىك حالىقارالىق بەدەلگە يە بولدى. تاۋەلسىزدىكتىڭ 30 جىلى ىشىندە جۇزەگە اسقان بارلىق رەفورمالار مەن ماڭىزدى باعدارلامالار, ەلىمىزدىڭ قول جەتكەن تابىستارى جۋرناليستەر نازارىنان تىس قالعان ەمەس", دەدى ول.
قازاقستان حالقى اسسامبلەياسى جىل سايىن مەملەكەت ساياساتىن اقپاراتتىق تۇرعىدان قولداۋعا, قوعامدىق كەلىسىم مەن جالپىۇلتتىق بىرلىكتى نىعايتۋعا بەلسەندى ۇلەس قوسىپ جۇرگەن جۋرناليستەردى قولداۋ ماقساتىندا "شاڭىراق" رەسپۋبليكالىق بايقاۋىن وتكىزۋدى داستۇرگە اينالدىرعان.
بيىلعى جىلى كۇللى الەم جۇرتشىلىعىن ءبىر تارىنىڭ قاۋىزىنا سىيعىزعان قاتەرلى پاندەميا قازاقستان حالقىن اينالىپ وتكەن جوق.
قيىن كۇندەرگە قاراماستان رەسپۋبليكا جۇرتشىلىعى بيىل قازاقتىڭ ۇلى اقىنى اباي قۇنانباي ۇلىنىڭ 175 جىلدىعى, ۇلى عالىم ءابۋ ناسىر ءال-ءفارابيدىڭ 1150 جىلدىعى, سونداي-اق قازاقستان حالقى اسسامبلەياسىنىڭ 25 جىلدىعى سياقتى ماڭىزدى شارالاردى ءتۇرلى فورماتتا اتاپ ءوتتى.
"وسىنداي ۇلىق مەرەكەلەردىڭ ەل اراسىندا كەڭ كولەمدە ناسيحاتتالۋىنا سىزدەر زور ۇلەس قوسىپ, ايرىقشا قولداۋ بىلدىردىڭىزدەر. پرەزيدەنت ق.ك.توقاەۆ قازاقستان حالقىنا ارناعان جولداۋىندا الەۋمەتتىك جانە ەتنيكالىق توپتار اراسىنداعى كەلىسىمدى نىعايتۋ تۋرالى تاپسىرما بەرگەن بولاتىن.
وسى ورايدا وتاندىق جۋرناليستيكا قوعامدىق كەلىسىمدى دامىتۋ, ارانداتۋشى اقپاراتتارعا قارسى يممۋنيتەتتى قالىپتاستىرۋ جانە قوعام بىرلىگىن ساقتاۋ تاقىرىپتارىن ءجيى كوتەرۋى ءتيىس.
مەملەكەتتىك ءتىلدىڭ مارتەبەسىن كوتەرۋ مەن مەملەكەت ساياساتىن حالىققا ءتۇسىندىرۋ ماسەلەسىندە دە قولىنا قالام ۇستاعان اعايىننىڭ اتقاراتىن ءرولى ايرىقشا. ءبىز ءار ۋاقىتتا بارلىق باق وكىلدەرىمەن تىعىز قارىم-قاتىناستا جۇمىس ىستەۋگە كۇش سالىپ كەلەمىز. وسى رەتتى پايدالانا وتىرىپ, سىزدەردىڭ تاراپتارىڭىزدان كورسەتىلىپ جاتقان اقپاراتتىق قولداۋ ءۇشىن ارنايى العىس بىلدىرەمىن! قازاقستان حالقى اسسامبلەياسىنىڭ رەسپۋبليكالىق «شاڭىراق» بايقاۋىنىڭ جەڭىمپازدارىن شىن جۇرەكتەن قۇتتىقتايمىن!" - دەدى ول.
ءىس-شاراعا ەتنومادەني بىرلەستىك وكىلدەرى, اسسامبلەيا مۇشەلەرى جانە رەسپۋبليكالىق باق باس رەداكتورلارى قاتىستى.