الەمدى اۋرەگە سالعان ىندەت كوپتەگەن جاعدايعا وزگەرىستەر ەنگىزگەنى بەلگىلى. ادامداردىڭ قيمىل-قوزعالىسى مەن ءجۇرىس-تۇرىسىنا شەكتەۋ قويىلىپ قانا قويماي, قوعامدىق كولىكتەردىڭ دە قاتىناسى ايتارلىقتاي ازايدى. وسى رەتتە اتالعان ماسەلە بويىنشا ەلورداداعى احۋالعا توقتالىپ وتسەك دەيمىز.
City Transportation Systems كومپانياسى ءباسپاسوز قىزمەتىنىڭ مالىمەتىنشە, سovid-19 ىندەتى شەكتەۋ شارالارىن ەنگىزۋگە ءماجبۇر ەتە وتىرىپ, قوعامدىق كولىك جۇمىسىنىڭ فورماتىن وزگەرتتى. دالىرەك ايتساق, قولما-قول اقشاسىز جولاقىسىن تولەۋدى ەنگىزۋ, جولاۋشىلار مەن جۇرگىزۋشىلەرگە اۆتوبۋس سالونىندا مەديتسينالىق ماسكا تاعۋ, جولاۋشىلارعا قولجەتىمدى ورىنداردا, تەرى انتيسەپتيگى بار سانيتايزەرلەر ورناتۋ, جۇرگىزۋشىلەردى كۇشەيتىلگەن مەديتسينالىق تەكسەرۋدەن وتكىزۋ, اۆتوبۋستاردىڭ جۇمىس ۋاقىتىن ساعات 23.00-گە دەيىن شەكتەۋ (شتاتتىق رەجىمدە ساعات 01.00-گە دەيىن), اۆتوبۋس پاركتەرىندەگى جانە جەلىدەگى اۆتوبۋستاردى, ءار اينالىمنان كەيىن دەزينفەكتسيالىق قۇرالدارمەن تولىق دەزينفەكتسيالاۋ.
«ەلوردادا شەكتەۋ شارالارىن ەنگىزۋ قوعامدىق كولىك جۇيەسىنە قاتتى اسەر ەتتى. قوعامدىق كولىكتەگى جولاۋشىلار اعىنى 40%-عا تومەندەدى. اۆتوبۋستار مەن اۆتوتۇراقتارداعى دەزينفەكتسيالىق جۇمىستار, قالا اۋماعىندا قوسىمشا شەكتەۋ, الدىن الۋ جانە ەپيدەمياعا قارسى شارالار ەنگىزىلگەن ۋاقىتتان بەرى, 2020 جىلعى 19 ناۋرىزدان باستاپ جۇرگىزىلەدى. اۆتوبۋس پاركتەرىندە اۋقىمدى دەزينفەكتسيانى جۇرگىزۋ ءۇشىن قالانىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءتيىستى ليتسەنزياسى مەن رۇقساتى بار كومپانيالار تارتىلادى. سونداي-اق پاركتەردىڭ تەحنيكالىق قىزمەتكەرلەرى مەن اۆتوبۋس جۇرگىزۋشىلەرى جۇمىلدىرىلادى. اۆتوبۋستاردى تۇنگى جۋدان جانە وڭدەۋدەن باسقا, قوعامدىق كولىك جۇمىسى كەزىندە جۇرگىزۋشىلەر, كۇن سايىن ءاربىر اينالما جولدان كەيىن, سوڭعى ايالداما پۋنكتتەرىندە اۆتوبۋستاردى ىلعالدى جيناۋ جانە دەزينفەكتسيالاۋ جۇمىستارىن جۇرگىزەدى», دەلىنگەن اقپاراتتا.
اۆتوبۋستاردى ءبىر رەتتىك وڭدەۋگە ارنالعان دەزينفەكتسيالىق شىعىن 2 872 ءليتردى قۇرايدى. سونىمەن قاتار كومپانيا ءالى دە كەشەندى جۇمىستى جالعاستىرۋدا. ونىڭ نەگىزىندە قولايلى كولىك ورتاسىن قۇرۋ جانە قولداۋ, جولاۋشىلاردى تاسىمالداۋ قىزمەتىن جاقسارتۋ, بارىنشا قاۋىپسىزدىكتى قامتاماسىز ەتۋ, جول قوزعالىسىندا قاۋىپسىزدىكتى ساقتاۋ جانە ءموبيلدى كولىك قۇرۋ قاعيداتى جاتىر.
City Transportation Systems 2011 جىلدان باستاپ, ەلورداداعى كولىك جۇيەسىن باسقارۋ جانە دامىتۋ فۋنكتسياسىن جۇزەگە اسىرادى. كومپانيانىڭ نەگىزگى فۋنكتسيالارى – قوعامدىق كولىكتىڭ ديسپەتچەرلىك جانە باعدارلىق جەلىسىن دامىتۋ, ينتەللەكتۋالدى كولىك جۇيەسىن ەنگىزۋ جانە باسقارۋ, كولىك كاسىپورىندارى ماماندارىنىڭ بىلىكتىلىگىن ارتتىرۋ, ۆەلوسيپەدتەردىڭ قولجەتىمدىلىگى مەن جايلىلىعىنا باعىتتالعان ۆەلوشيرينگتى دامىتۋ, جول جەلىسىنىڭ قاۋىپسىزدىگى مەن دامۋىن قامتاماسىز ەتۋگە باعىتتالعان جول قوزعالىسىن ۇيىمداستىرۋ, ەلوردادا جولاۋشىلار تاسىمالداۋدا جايلىلىق پەن قارجى اعىندارىنىڭ اشىقتىعىن ارتتىرۋ ماقساتىندا, ەلەكتروندى جول اقىسىن تولەۋ جۇيەسىن ەنگىزۋ, جولاۋشىلاردى تاسىمالداۋ كەزىندە كولىك جۇيەسىندەگى بۇزۋشىلىقتاردى انىقتاۋ جانە جويۋ.
«ەلوردادا كولىك اعىنىن باسقارۋ ءۇشىن كومپانيانىڭ نەگىزىندە ماسكەۋ تسودد انالوگى ترافيكتى باسقارۋ ورتالىعى بار. قوزعالىستاردى ءتيىمدى رەتتەۋ ءۇشىن وپەراتورلار «24/7» رەجىمىندە جول جەلىسىنىڭ ترافيك جۇكتەمەسىن باقىلاۋمەن اينالىسادى جانە قاجەت بولعان جاعدايدا (مىسالى, جول اپاتى بولعان جاعدايدا) باعدارشامنىڭ رەتتەلۋىنە ارالاسادى. رەتتەۋ قۇرالى – omnia پلاتفورماسىنداعى ينتەللەكتۋالدى كولىك جۇيەسى, ول ءاداپتيۆتى رەجىمدە قيىلىستارداعى باعدارشامداردىڭ فازالارىن باسقارادى. جۇيە جەدەل جاردەم كولىكتەرى مەن ءورت سوندىرۋشىلەرگە باسىمدىق بەرۋگە مۇمكىندىك بەرەدى», دەيدى كومپانيا ماماندارى.
جەلىدەگى اۆتوبۋستار كەستەسىنىڭ ساقتالۋىن ۇيلەستىرۋ جانە باقىلاۋ ءۇشىن بىرىڭعاي ديسپەتچەرلىك قىزمەت ءبولىمى جۇمىس ىستەيدى. ونىڭ قۇزىرەتىنە بۇقارالىق ءىس-شارالارعا قىزمەت كورسەتۋ, سونداي-اق اۆتوبۋس پاركتەرىنىڭ بۇزىلۋىن تىركەۋ كىرەدى.
قاجەت بولعان جاعدايدا قۇرىلىم سونداي-اق توتەنشە جانە شۇعىل جاعدايلاردى جەدەل پىسىقتاۋمەن, اۆتوبۋستاردى جەلىدەن الىپ تاستاۋمەن جانە ادامداردى ەۆاكۋاتسيالاۋ ءۇشىن قاجەتتى ورىنعا جەتكىزۋمەن اينالىسادى. ەلورداداعى قوعامدىق كولىك جۇيەسى – بۇل وتە اۋقىمدى جانە ناقتى جوسپارلانعان مارشرۋتتىق جەلى. ول قالانىڭ بارلىق اۋدانىن, ونىڭ ىشىندە ورتالىقتان 50 كم راديۋستاعى اۋداندار مەن جانە قالا ماڭىنداعى ەلدى مەكەندەردى قامتيدى. ەلوردانىڭ باعىتتار جەلىسىنىڭ جالپى ۇزىندىعى 4067,9 كم قۇرايدى. بۇل جەلى 86 باعىتتان تۇرادى: 64 قالالىق جانە 22 قالا ماڭى باعىتتارى. ال ەكسپرەسس-باعىتتار قازىرگى ۋاقىتتا توقتاتىلعان. ەلوردادا ايتىلعان باعىتتار بويىنشا كۇندەلىكتى 794 قوعامدىق كولىك قىزمەت ەتەدى: 727 قالالىق جانە 67 قالا ماڭىنداعى كولىكتەر. قوعامدىق كولىكتى مودەرنيزاتسيالاۋ شەڭبەرىندە جاڭا جولاۋشىلاردى تاسىمالداۋ تۇرلەرى (قالا ماڭى, ەكسپرەسس, sport shuttle bus باعىتى) ەنگىزىلدى, 43 جاڭا قالالىق باعىتتار ۇيىمداستىرىلدى, 72 قالالىق باعىتتاردىڭ جول ءجۇرۋ باعىتى جاڭارتىلدى. سونداي-اق 24 ۋچاسكىسىندە ۇزىندىعى 77 شاقىرىمدى قۇرايتىن Bus Lane جولاقتارى ەنگىزىلدى. بۇل چاس-پيك ۋاقىتىندا, اۆتوبۋستاردىڭ كۇتۋ ۋاقىتىن 15%-ىن قىسقارتۋعا مۇمكىندىك بەردى.
جولاۋشىلاردىڭ قاۋىپسىزدىگىن ساقتاۋ ماقساتىندا جەلىدەگى باقىلاۋ جۇيەسى كۇشەيتىلگەن. دالىرەك ايتساق, اۆتوبۋستاردىڭ سانيتارلىق جانە تەحنيكالىق جاعدايىن باقىلاۋ جۇزەگە اسىرىلادى, اۆتوبۋس جۇرگىزۋشىلەرىنىڭ جول ەرەجەسىن بۇزۋ قاۋپىنىڭ الدىن الادى, جولاۋشىلاردى بيلەتسىز تاسىمالداۋ انىقتالدى. وسى قىزمەتتىڭ ناتيجەسىندە 2020 جىلى بيلەتسىز تاسىمالداۋ بويىنشا 150 مىڭعا جۋىق فاكتى مەن جول قوزعالىسى ەرەجەلەرىن بۇزۋدىڭ 165 جاعدايى تىركەلدى. قالا بيۋدجەتىنە سالىنعان ايىپپۇلدار ەسەبىنەن (2018 جىلدان باستاپ) 121 ملن تەڭگەدەن اسا قاراجات ءتۇستى. مەملەكەت باسشىسى مەن قالا اكىمىنىڭ تاپسىرماسى بويىنشا شتات سانىن وڭتايلاندىرۋ شەڭبەرىندە ىشكى ەڭبەك رەزەرۆتەرى ەسەبىنەن, كولىكتىك باقىلاۋ دەپارتامەنتىن كۇشەيتۋ جۇمىستارى جۇرگىزىلدى.
سونىمەن قاتار 7 باعدارشام وبەكتىلەرىنىڭ تىرەكتەرى باعدارشامنىڭ نەگىزگى سيگنالدارىن قايتالايتىن جارىقتاندىرۋمەن جابدىقتالعان. بۇل شارا جول قوزعالىسىنا قاتىسۋشىلاردى, باعدارشام سيگنالدارىن جاقسى قابىلداۋى مەن كورىنۋىن جاقسارتۋ ءۇشىن قولدانىلادى. باعدارشام وبەكتىلەرى تىرەكتەرىنىڭ جارىقتاندىرىلۋى, تاۋلىكتىڭ قاراڭعى ۋاقىتىندا, جولدىڭ ناشار كورىنۋى جانە قولايسىز اۋا رايى جاعدايلارىندا قوزعالىس قاۋىپسىزدىگىن ارتتىرا وتىرىپ, وڭ ناتيجە كورسەتتى. جول اقىسىن تولەۋدىڭ ەلەكتروندى جۇيەسىن ەنگىزۋگە (جاتەج) بايلانىستى كورسەتىلەتىن قىزمەتتەردىڭ ساپاسىنا, كۇندەلىكتى مونيتورينگ جۇرگىزۋ قاجەتتىلىگى تۋىندادى. وسى قىزمەتتىڭ بارلىعىن كولىكتىك باقىلاۋ دەپارتامەنتىنىڭ قىزمەتكەرلەرى اتقارادى.
بۇگىندە كبد جۇمىسىنىڭ ارقاسىندا جۇرگىزۋشىلەر تاراپىنان بۇزۋشىلىقتار دەڭگەيى ايتارلىقتاي تومەندەدى, جولاۋشىلاردى بيلەتسىز تاسىمالداۋ فاكتىلەرى ازايدى, سونداي-اق قوعامدىق كولىكتىڭ قاتىسۋىمەن بولعان جول-كولىك وقيعالارى ازايدى. مىسالى, كبد قىزمەتكەرلەرى جىل باسىنان بەرى جەڭىلدىگى بار ازاماتتار ساناتتارىنا جاتپايتىن جولاۋشىلاردان 815 جەڭىلدىگى بار كولىك كارتالارىن تاركىلەدى.