سولتۇستىك قازاقستاندا جۇمىسىن اشىق جۇرگىزەتىن, باق-قا اقپاراتتاردى كوپ بەرەتىن پوليتسيا دەپارتامەنتى عانا. ءبىر كەزدە جۇمىستارىن قۇپيالاندىرىپ, ەشقانداي دەرەك بەرمەيتىن ۆەدومستۆونىڭ بۇل ىسىنە ريزا بولاسىڭ.
مىنە, بۇگىن دە ولار Instagram جانە Facebook الەۋمەتتىك جەلىلەرى ارقىلى ونلاين-بريفينگ بەرىپ, ءبىر اپتادا 221 قىلمىستىڭ تىركەلگەنىن جاريا ەتتى جانە سۇراقتارعا جاۋاپ بەردى. جەدەل-قىزمەتتىك ارەكەتتەر بويىنشا بايانداعان دەپارتامەنت شتابىنىڭ باستىعى, پولكوۆنيك ساۋلە امانتاەۆا تىركەلگەن 221 قىلمىستىڭ 92 پايىزى اشىلعانىن مالىمدەدى. تىركەلگەن قىلمىستاردىڭ اراسىنداعى رەزونانس تۋدىرعانى – جامبىل اۋدانىنداعى كىسى ءولتىرۋ وقيعاسى بولدى.
وسى اۋداننىڭ بايان اۋىلىندا تۇراتىن اعايىندى ەكى جىگىتتىڭ ۇلكەنى اراق ىشكەننەن كەيىن بولعان جانجالدىڭ بارىسىندا 27 جاستاعى ىنىسىنە پىشاق سالعان. العان جارادان ءىنىسى سول جەردە جان بەرگەن. قازىر ۇستىنەن ءىس قوزعالعان قىلمىسكەر ارنايى وقشاۋلاعىشتا وتىر.
سونىمەن قاتار وتكەن اپتادا وبلىستا 7 جول-كولىك وقيعاسى بولىپ, سونىڭ سالدارىنان 2 ادام ءولىپ, 10 ادام جارالانعان.