سىر ەلىنەن كۇزگى مەرزىمدە 800-گە جۋىق ازامات اسكەرگە اتتانادى. بۇگىندە 450 جاس اسكەر قاتارىنا قوسىلدى. جاس ساربازدار اسكەري بورىشىن قر ۇلتتىق ۇلان قىزمەتىندە, قر قارۋلى كۇشتەرى قاتارىندا, شەكارا قىزمەتىندە وتەيتىن بولادى. بۇل تۋرالى وڭىرلىك كوممۋنيكاتسيالار قىزمەتىنىڭ اقپارات الاڭىندا وتكەن بريفينگتە قىزىلوردا وبلىسى قىجد مەرزىمدى اسكەرگە شاقىرۋ ءبولىمىنىڭ باستىعى نۇرجان مەلدەبەكوۆ مالىمدەدى, دەپ حابارلايدى Egemen.kz.
"بارلىق اۋداندىق, قالالىق شاقىرۋ جانە وبلىستىق جيىن پۋنكتىندە سانيتارلىق پوستتار قويىلدى. بارلىعىندا مەديتسينالىق مامان وتىرادى. اسكەرگە شاقىرىلۋشىلار سانيتارلىق نورماعا سايكەس تەكسەرىلىپ, مەديتسينالىق كوميسسيادان وتەدى. ازاماتتاردى اسكەرگە جونەلتۋ سانيتارلىق شارالاردى ساقتاي وتىرىپ جۇرگىزىلۋدە. ايتا كەتەيىن, كۇزگى شاقىرۋ ۇستىمىزدەگى جىلدىڭ 9-شى قىركۇيەكتە باستالدى. جەلتوقسان ايىنىڭ اياعىنا دەيىن جالعاسادى", - دەدى مايور نۇرجان بەركىمباي ۇلى.
بيىل وڭىردە اسكەري مىندەتتى اتقارۋ شەڭبەرىندە جەرگىلىكتى بيۋدجەتتەن 200 ميلليون تەڭگە كولەمىندە قاراجات ءبولىندى. اتالعان قاراجات دارىگەر مامانداردىڭ ەڭبەكاقىسىنا, اسكەرگە شاقىرىلۋشىلاردى تاسىمالداۋعا, وبلىستىق جانە قالا, اۋداندىق شاقىرۋ پۋنكتتەرىن كۇتىپ-ۇستاۋعا, سونداي-اق, جەتىسپەيتىن مەديتسينالىق ماتەريالدىق-تەحنيكالىق قۇرالدار مەن شىعىس ماتەريالدارىن ساتىپ الۋعا جانە ءۇش مەزگىل ىستىق تاماقپەن قامتۋعا جۇمسالۋدا.