قر پرەمەر-ءمينيسترى اسقار مامين قر اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆاك) سەلەكتورلىق وتىرىسىن وتكىزدى. قر پرەزيدەنتى قاسىم-جومارت توقاەۆتىڭ بيىلعى 16 قاراشا كۇنى وتكەن ۆاك وتىرىسىندا بەرگەن تاپسىرمالارىنىڭ ورىندالۋ بارىسى قارالدى.
سانيتارلىق-ەپيدەميولوگيالىق جاعداي جانە قابىلدانىپ جاتقان شارالار تۋرالى دەنساۋلىق ساقتاۋ ءمينيسترى ا. تسوي, دارىلىك زاتتاردىڭ باعا ساياساتىنا مونيتورينگ جۇرگىزۋ جونىندەگى جۇمىس تۋرالى باسەكەلەستىكتى قورعاۋ جانە دامىتۋ اگەنتتىگىنىڭ توراعاسى س. جۇمانعارين, وتاندىق جەكە قورعانىش قۇرالدارىن وندىرۋشىلەردى شيكىزاتپەن قامتاماسىز ەتۋ تۋرالى يندۋستريا جانە ينفراقۇرىلىمدىق دامۋ ۆيتسە-ءمينيسترى ا. ەرجانوۆ, ءىىم ستاتسيونارلارى مەن اسكەري گوسپيتالدارىنىڭ دايىندىعى تۋرالى قورعانىس ءمينيسترى ن. ەرمەكباەۆ جانە ىشكى ىستەر ءمينيسترى ە. تۇرعىمباەۆ, ءبىلىم بەرۋ ساپاسىن باقىلاۋدى كۇشەيتۋ تۋرالى ءبىلىم ءمينيسترى ا. ايماعامبەتوۆ, وڭىرلەردەگى احۋال تۋرالى نۇر-سۇلتان قالاسىنىڭ اكىمى ا. كولگىنوۆ, پاۆلودار وبلىسىنىڭ اكىمى ءا. سقاقوۆ, سولتۇستىك قازاقستان وبلىسىنىڭ اكىمى ق. اقساقالوۆ, قوستاناي وبلىسىنىڭ اكىمى ا. مۇحامبەتوۆ باياندادى.
كوروناۆيرۋسپەن سىرقاتتانۋشىلىقتىڭ ءوسۋى قازاقستاننىڭ بارلىق وڭىرلەرىندە دەرلىك تىركەلدى. ۆيرۋستىڭ رەپرودۋكتيۆتىلىك كورسەتكىشى رەسپۋبليكا بويىنشا 1,07 قۇرايدى. ينفەكتسيالىق توسەك-ورىنداردىڭ تولىعۋى – 22%, رەانيماتسيالىق توسەك-ورىنداردىڭ تولىعۋى – 17%.
«قىزىل ايماقتا» 5 ءوڭىر قالىپ وتىر: شىعىس قازاقستان, پاۆلودار, قوستاناي, سولتۇستىك قازاقستان, اقمولا وبلىستارى. «سارى ايماقتا» 2 ءوڭىر بار: باتىس قازاقستان وبلىسى جانە نۇر-سۇلتان قالاسى.
ۇكىمەت باسشىسى دەنساۋلىق ساقتاۋ, يندۋستريا مينيسترلىكتەرىنە اكىمدىكتەرمەن بىرلەسىپ, مەديتسينالىق جابدىقتاردى جەتكىزۋدى اياقتاۋدى جانە ينفەكتسيالىق ستاتسيونارلاردىڭ رەانيماتسيالىق بولىمشەلەرىن تولىق جابدىقتاۋدى قامتاماسىز ەتۋدى تاپسىردى.
پرەمەر-مينيستر ەپيدەميولوگيالىق احۋالدىڭ ناشارلاۋى مۇمكىن جاعدايدا ۆەدومستۆولىق اۋرۋحانالار مەن گوسپيتالداردىڭ 100% دايىندىعىن قامتاماسىز ەتۋدى تاپسىردى.
ىشكى ىستەر, ەڭبەك, ءبىلىم, قورعانىس مينيسترلىكتەرىنە اكىمدىكتەرمەن بىرلەسىپ, ۇيىمداستىرىلعان ۇجىمداردا پروفيلاكتيكالىق جانە ەپيدەمياعا قارسى ءىس-شارالاردىڭ ساقتالۋىنا باقىلاۋدى كۇشەيتۋ تاپسىرىلدى.
دەنساۋلىق ساقتاۋ مينيسترلىگىنە, اكىمدىكتەرگە كوروناۆيرۋس ينفەكتسياسىنا جاسالعان زەرتحانالىق زەرتتەۋلەردىڭ دۇرىستىعىن (قايتا تەستىلەۋدى) قامتاماسىز ەتۋ بويىنشا شارالار قابىلداۋ تاپسىرىلدى. بۇل رەتتە زەرتتەۋلەردىڭ اشىقتىعىن قامتاماسىز ەتۋ ماقساتىندا وسى جىلعى 1 جەلتوقسانعا دەيىن زەرتحانالاردى بىرىڭعاي اقپاراتتىق جۇيەمەن ينتەگراتسيالاۋ جۇمىسى اياقتالادى.
دەنساۋلىق ساقتاۋ مينيسترلىگىنە ءبىر اپتا مەرزىمدە ءدارى-دارمەكتىڭ شەكتى قۇنىن تومەندەتۋ ماقساتىندا كوروناۆيرۋسقا قارسى پرەپاراتتاردىڭ باعاسىن رەتتەۋ ءتارتىبىن وزگەرتۋ تاپسىرىلدى. باسەكەلەستىكتى قورعاۋ جانە دامىتۋ اگەنتتىگىنە قر-داعى كوروناۆيرۋسقا قارسى پرەپاراتتار قۇنىنىڭ جوعارىلاۋىنا جول بەرمەۋ ماقساتىندا شەتەلدىك فارماتسەۆتيكالىق نارىقتارداعى باعا كونيۋنكتۋراسىنا تالداۋ جۇرگىزۋ تاپسىرىلدى.