كوروناۆيرۋس ىندەتىنىڭ تارالۋىنا جول بەرمەۋ جونىندەگى جەدەل شتاب COVID-19 بويىنشا ەۋروپا احۋالى: اپتا قورىتىندىسىن جاريالادى, دەپ حابارلايدى Egemen.kz.
يسپانيا – شامامەن 1,5 ميلليون ادام كوروناۆيرۋس ينفەكتسياسىن جۇقتىرعان, 42,5 مىڭنان استام ادام قايتىس بولعان. ەل بيلىگى ەنگىزىلگەن شەكتەۋلەردىڭ جۇمىس ىستەيتىنىن مالىمدەدى (كومەندانتتىق ساعات جانە ايماقارالىق ساپارلارعا شەكتەۋ). مەملەكەتتە سوڭعى ەكى اپتا ىشىندە كۇندەلىكتى كورسەتكىشتەردىڭ تۇراقتى تومەندەۋى بايقالۋدا.
گرەتسيادا, كەرىسىنشە, كوروناۆيرۋس ينفەكتسياسىن جۇقتىرعانداردىڭ سانى وسۋدە. سالونيكيدە, ەلدىڭ ەكىنشى ۇلكەن قالاسىنىڭ اۋرۋحانالارىندا ورىن قالماعان, دەنساۋلىق ساقتاۋ قىزمەتتەرى توتەنشە جاعدايدا جۇمىس ىستەۋدە, ەڭ ناشار ستسەناريدىڭ ورىن الۋىنىڭ مۇمكىندىگى جوعارى دەگەن قورقىنىش وسۋدە.
سەربيادا سوڭعى ايدا COVID-19 جۇقتىرعانداردىڭ سانى كۇرت وستۋدە. وتكەن جۇمادا كوروناۆيرۋس ينفەكتسياسىنىڭ 6200 - دەن استام جاڭا جاعدايى تىركەلدى – بۇل ءبىر اي بۇرىنعىعا كورسەتكىشكە قاراعاندا 18 ەسە جوعارى. سەربيا پراۆوسلاۆ شىركەۋىنىڭ باسشىسىنىڭ COVID-19 قايتىس بولۋىنا بايلانىستى ەلدە ءۇش كۇندىك ۇلتتىق ازا تۇتۋ جاريالانعان.
دانيادا فەرمەرلەر مەن مال وسىرۋشىلەر بيلىكتىڭ كوروناۆيرۋستىڭ باسقا ءتۇرىنىڭ تارالۋىن توقتاتۋ ماقساتىندا 15 ميلليون استام كۇزەندى جويۋ تۋرالى شەشىمىنە قارسىلىقتارىن بىلدىرۋدە.