اقتوعاي اۋدانىنىڭ اۋەلبەك اۋىلىندا تىگىن جانە جيھاز شەبەرحاناسى, سۇلۋلىق سالونى مەن شاشاتاراز, كونديتەرلىك تسەح اشىلدى, دەپ حابارلايدى Pavlodarnews.kz.
اۋەلبەك اۋىلىندا «اۋەلبەك» شاعىن يندۋستريالىق ايماقتىڭ سالتاناتتى اشىلۋى وتكىزىلدى. مەرەكەلىك شاراعا اۋدان اكىمى قارشىعا ارىنوۆ قاتىسىپ, اۋىل تۇرعىندارىن قۇتتىقتادى.
Auelbekmio2020.jpegاۋىلدىق كلۋب عيماراتىنىڭ بازاسىندا اشىلعان شيا قۇرامىنا شاشتاراز (ەرلەر, ايەلدەر زالى), سۇلۋلىق سالونى (مانيكيۋر, پەديكيۋر, قاس ساۋلەتى), تىگىن تسەحى, جيھاز شەبەرحاناسى, كونديتەرلىك تسەح كىرەدى. الداعى ۋاقىتتا فوتوستۋديا جانە اياق كيىم جوندەۋ ورنىن اشۋ جوسپارلانۋدا.
- ەندى اۋىل تۇرعىندارىنا قالاعا بارۋدىڭ قاجەتى جوق, ويتكەنى شاشتاراز قىزمەتى تۋعان اۋىلىندا دا بار. - دەيدى شاشتارازدى اشقان التىن قىپشاقباەۆا.
اۋىل تۇرعىنى اسەم قابيەۆا «باستاۋ بيزنەس» باعدارلاماسى بويىنشا ءبىلىم الىپ, سۇلۋلىق سالونىن اشۋعا گرانت الدى. ال, ارىس قالاسىنان قونىس اۋدارۋشى نۇرتانوۆ ساتتار جيھاز شەبەرحاناسىن اشتى. اعاش شەبەرى اۋىل تۇرعىندارى ءۇشىن اس ءۇي ۇستەلدەرىنەن باستاپ, بىرقاتار جيھازداردى جاساۋدى جوسپارلاپ وتىر.