ء"بىر تەرەزە" قىزمەتى بويىنشا كەڭەستى قالاي الۋعا بولادى؟

"جانۇيا" وتباسى ينستيتۋتىن قولداۋ ورتالىعىندا زاڭگەرلىك, پسيحولوگيالىق جانە الەۋمەتتىك كومەك كورسەتىلەدى. ماماندار ءار وتباسىمەن جەكە جۇمىس جۇرگىزەدى. ەلوردا تۇرعىندارىنا open space الاڭىندا قوعامدىق دەنساۋلىق ساقتاۋ, جۇمىسقا ورنالاسۋ, ءبىلىم الۋ, تۇرعىن ءۇي الۋ جانە بيزنەس اشۋ ماسەلەلەرى بويىنشا جۇيەلى كەڭەستەر مەن كومەك كورسەتىلەدى.

ورتالىقتا بارلىق جاعداي جاسالعان. ەرەكشە قاجەتتىلىكتەرى بار ادامدارعا ارنالعان ليفتىلەر جۇمىس جاسايدى, ال بالالارعا ارنالعان ارنايى ويىن ايماعى اشىلعان, وندا ورتالىق قىزمەتكەرلەرى ولاردى قاداعالايدى.

ويقو بەيبىتشىلىك كوشەسى, 14 مەكەنجايىندا ورنالاسقان. ورتالىق جۇمىس كۇندەرى ساعات 09.00-دەن 18:00-گە دەيىن جۇمىس ىستەيدى. سۇراقتار بويىنشا +7-7172-27-82-98 تەلەفون ءنومىرى بويىنشا حابارلاسۋعا بولادى. قاجەتتى اقپاراتتى ورتالىقتىڭ Instagram پاراقشاسىنان بىلۋگە بولادى.

"IQala" قالالىق قىزمەتتەر ورتالىعى ەلوردا تۇرعىندارىنا تۇرعىن ءۇي-كوممۋنالدىق سەكتور ۇيىمدارىنىڭ قىزمەتتەرىن ونلاين رەجيمدە جانە بيزنەس تۋرالى كەڭەس الۋ مۇمكىندىگىن ۇسىنادى. بۇگىنگى كۇنى ورتالىق جەكە جانە زاڭدى تۇلعالار ءۇشىن 137 قىزمەت ءتۇرىن كورسەتەدى. قولدانۋشىلارعا ىڭعايلى بولۋ ءۇشىن, قولجەتىمدى قىزمەتتەر ءتىزىمى www.iqala.kz پورتالىنىڭ باستى بەتىندە ورنالاسقان. ورتالىقتىڭ فرونت-ءوفيسى قوشقارباەۆ داڭعىلى, 29 مەكەنجايىندا ورنالاسقان. IQala جۇمىسى تۋرالى تۋىنداعان بارلىق سۇراقتار بويىنشا قالا تۇرعىندارى 109 بىرىڭعاي بايلانىس ورتالىعىنىڭ (i-Komek) تەلەفونى بويىنشا حابارلاسا الادى.

نۇر-سۇلتانداعى ازاماتتىق باستامالار ورتالىعى بەلسەندى ەلوردالىقتار مەن ۇكىمەتتىك ەمەس ۇيىمدارعا قالاداعى الەۋمەتتىك نەمەسە مادەني ورتانى جاقسارتۋ جونىندەگى جوبالاردى ىسكە اسىرۋعا كومەكتەسەدى. ابو-دا اقپاراتتىق-ادىستەمەلىك قولداۋ, كەڭەس بەرۋ, وقىتۋ ءىس-شارالارى جۇرگىزىلەدى. ورتالىق جوبالار قۇنىن ەسەپتەۋگە, سونداي-اق قارجىلاندىرۋ ماسەلەسىن شەشۋگە كومەكتەسەدى. 

تۇرعىنداردىڭ بەلگىلى ءبىر الەۋمەتتىك ماسەلەنى شەشۋگە جانە ونى قالاي جاساۋعا بولاتىنىن ءبىلۋ ءۇشىن, ازاماتتىق باستامالار ورتالىعىنا جۇگىنۋگە بولادى. ول ءۇشىن civilcenterelorda.kz سايتىندا كونسۋلتاتسياعا ءوتىنىم قالدىرۋ قاجەت نەمەسە مىنا نومىرلەرگە قوڭىراۋ شالىڭىز: +7 7172 32 35 19, + 7 771 050 15 37, +7 708 800 28 87.

تۇرعىن ءۇي سالاسىندا قىزمەت كورسەتۋ جونىندەگى بىرىڭعاي ورتالىقتا تۇرعىن ءۇي ماسەلەلەرى بويىنشا كەڭەس الۋعا بولادى. تۇرعىن ۇيگە كەزەككە تۇرۋ, كەزەك ءنومىرىن تەكسەرۋ, تۇرعىن ءۇي باعدارلامالارىنا قاتىسۋ شارتتارى, تۇرعىن ءۇي سەرتيفيكاتىن الۋ, كرەديتتىك/جالعا بەرىلەتىن پاتەرلەر ماسەلەلەرى جانە ت.ب.

ورتالىقتا ارنايى ماماندار قىزمەتىن الۋعا بولادى. وندا تۇرعىن ءۇي قۇرىلىس جيناق بانكىنىڭ كەڭەسشىلەرى دە جۇمىس ىستەيدى. بىرىڭعاي تۇرعىن ءۇي ورتالىعى رەسپۋبليكا داڭعىلى, 32 مەكەنجايى بويىنشا ورنالاسقان.