كەيبىر قالالىقتار كارانتين مەن شەكتەۋ شارالارىن ەلەمەي, نۇر-سۇلتاننىڭ باس سانيتارلىق دارىگەرىنىڭ قولدانىستاعى قاۋلىسىنا قايشى, قالا تۇرعىندارىنا قاۋىپ توندىرەتىن ويىن-ساۋىق مەكەمەلەرىنە, كافەلەرگە, مەيرامحانالارعا بارادى.
سونىمەن, رەيد كەزىندە پوليتسيا مونيتورينگ توبى قۇرامىندا 70-كە جۋىق كەلۋشىلەر دەمالىپ جاتقان Zoloto مەيرامحاناسىن انىقتادى. كليەنتتەر الەۋمەتتىك قاشىقتىق پەن سانيتارلىق-ەپيدەميولوگيالىق نورمالاردى ساقتاماعان.
«يەسى مەن كەلۋشىلەر تىيىم سالۋدى ەلەمەي, اينالاسىنداعى ادامداردىڭ دەنساۋلىعىنا قاۋىپ ءتوندىردى. جينالعان ماتەريال اكىمشىلىك جاۋاپكەرشىلىككە تارتۋ ءۇشىن تاۋارلار مەن قىزمەتتەر ساپاسى مەن قاۋىپسىزدىگىن باقىلاۋ باسقارماسىنا جىبەرىلدى», - دەلىنگەن پوليتسيا دەپارتامەنتىنىڭ حابارلاماسىندا.
سوڭعى تاۋلىكتە ءموبيلدى توپ 236 كاسىپكەرلىك نىسانىن تەكسەرىپ, كارانتيندى بۇزۋدىڭ بەس فاكتىسى انىقتالدى. نۇر-سۇلتان پوليتسيا دەپارتامەنتى مەكەمە يەلەرى مەن كەلۋشىلەردىڭ ابايسىز ارەكەتى ينفەكتسيانىڭ تارالۋىنا اكەلىپ سوقتىراتىنىن ەسكەرتەدى. كارانتين رەجيمىن بۇزۋشىلار قولدانىستاعى زاڭناماعا سايكەس جاۋاپقا تارتىلادى.