الماتىدا ەسىرتكى زەرتحاناسى جويىلدى

1994, 1996 جانە 1997 جىلى تۋعان ءۇش جىگىت پوليتسيا نازارىندا. ولاردىڭ قىلمىستىق ءىس-ارەكەتىن قر ءىىم ەقكد جانە الماتى قالاسى پد ەقكب قىزمەتكەرلەرى بىرنەشە ارنايى ءىس-شارالارمەن كۋالاندىردى.

– كەشكى جەتى شاماسىندا اباي داڭعىلىندا كولىك ىشىندە ەكى ادامى بار “Hyundai” اۆتوكولىگى ۇستالدى. كۇدىكتىلەردىڭ بىرەۋى – ا.ازاماتتى سانكتسيالانعان ءتىنتۋ كەزىندە “مەفەدرون” سينتەتيكالىق ەسىرتكى سالىنعان بۋما تابىلدى جانە تاركىلەندى. كۇدىكتىلەردىڭ جەتىسۋ ىقشام اۋدانىنداعى قاراپايىم پاتەردىڭ قابىرعاسىندا ءشوپ جاساعانى انىقتالدى. حيميالىق كومپونەنتتەر – ەسىرتكى جاساۋعا ارنالعان زاتتاردى, ولار, توڭازىتقىشتا ساقتاعان. زال بولمەسىندە اق ءتۇستى ۇنتاقتى زات, پوليەتيلەن پاكەتتەر (وراۋعا ارنالعان), وسىمدىك تەكتەس جاسىل ءتۇستى ۇنتاق زات, قاباتتارى بار شىنى كولبالار, اق ءتۇستى ۇنتاقتى زات جانە باسقا جابدىقتار تابىلدى. جاتىن بولمەدە ء“وندىرىس جۇمىسشىلارى” حيميالىق رەاگەنتتەردى, سينتەتيكالىق ەسىرتكىلەردى شىعارۋعا ارنالعان ءتۇرلى كومپونەنتتەردى, ەكى ماگنيتتى ارالاستىرعىشتى, ءارتۇرلى كولبالاردى, جەلدەتكىشتى جانە ەكى ماي رادياتورلارىن ساقتاعان. ءبىز ءۇشىنشى كۇدىكتىنى جالدامالى پاتەردەن ۇستادىق, – دەدى الماتى قالاسى پد ەسىرتكى قىلمىستارىنا قارسى كۇرەس باسقارماسىنىڭ باستىعى ەرلان الماعامبەتوۆ.

سوت-حيميالىق ساراپتامانىڭ قورىتىندىسىنا سايكەس تاركىلەنگەن زاتتار پسيحوتروپتىق زات “مەتكاتينون” (مەفەدرون) بولىپ تابىلادى. تاركىلەنگەن شيكىزات پەن دايىن ءونىمنىڭ جالپى سالماعى 10 كيلوگراممدى قۇرادى.

– ۇستالعاندار قاماۋعا الىندى. قىلمىستىق ءىس قر قك-ءنىڭ 297 بابى قىلمىس بەلگىلەرى بويىنشا تەرگەلۋدە. سونىمەن قاتار, جالپى جەدەل ءىس-شارالارمەن قاتار, ەسىرتكى قىلمىسىنا قارسى ءىس-قيمىل سالاسىنداعى الەۋمەتتىك ۇگىت ماتەريالدارى ارقىلى حالىقتىڭ ەسىرتكىگە قارسى يممۋنيتەتتىڭ الدىن الۋ جانە قالىپتاستىرۋ بويىنشا جۇمىس تۇراقتى نەگىزدە جۇرگىزىلىپ جاتقانىن اتاپ وتكەن ءجون. بۇگىندە قالا اۋماعىندا 56 سىرتقى جارنامالىق تابلويدتار – بيلبوردتار بار. سونداي-اق, 79 LED-ەكراندار ناشاقورلىقتىڭ الدىن-الۋعا باعىتتالعان اقپاراتتى تاراتادى, – دەپ قورىتىندىلادى الماعامبەتوۆ.