2020 جىلدىڭ العاشقى 10 ايىندا قوستاناي وبلىسىنىڭ پوليتسەيلەرى قىزمەتتىك يتتەردىڭ كومەگىمەن 474 قىلمىستى اشقان, دەپ حابارلايدى Egemen.kz.
بۇگىنگى تاڭدا وبلىستىق پوليتسيا دەپارتامەنتىنىڭ كينولوگيا ورتالىعىندا 28 قىزمەتتىك يت بار. ورتالىقتا 12 كينولوگ جۇمىس ىستەيدى. ال وبلىس بويىنشا پوليتسيا ورگاندارىندا 71 يت قىزمەت ەتەدى. ءيىسشىل يتتەر جوعالعان, قاشقان ادامداردىڭ سوڭىنان ءىز كەسىپ, جارىلعىش زاتتاردى, سونداي-اق ەسىرتكى زاتتارىن ىزدەۋگە ۇيرەتىلگەن.
"قىزمەتتىك يتتەر ودورولوگيالىق سايكەستەندىرۋگە, ياعني يىستەردى زەرتتەۋگە كومەكتەسەدى. سونىمەن قاتار, جوعالعان ادامداردى تابۋعا, قىلمىستىڭ ءىزىن سۋىتپاي اشۋعا كومەكتەسەدى", دەيدى كينولوگ-ماماندار.
بيىل قوستاناي وبلىسىندا كينولوگيالىق قىزمەت ماماندارى قىزمەتتىك يتتەردىڭ كومەگىمەن ەسىرتكى جانە جارىلعىش زاتتاردىڭ ءيىسىن اجىراتۋ بويىنشا 5489 زەرتتەۋ جۇمىسىن جۇزەگە اسىرعان.
قوستاناي وبلىسى