قوستاناي جانە رۋدنىي قالالارىنا كىرىپ-شىعۋعا ۋاقىتشا تىيىم سالىندى

"وسى قاۋلىدا كورسەتىلگەن ادامداردان باسقا ازاماتتاردىڭ قوستاناي جانە رۋدنىي قالاسىنىڭ اۋماعىنا كىرۋىنە/شىعۋىنا تىيىم سالىنسىن. بۇل رەتتە, وبلىس تۇرعىندارىنىڭ ءبىر اۋداننان/قالادان ەكىنشى اۋدانعا كەدەرگىسىز ءجۇرىپ-تۇرۋىنا رۇقسات ەتىلەدى. جول پاراقتارىن, جۇمىس جۇكتەمەسى, تاپسىرما-جوسپارلاردى, تاۋار جۇكقۇجاتتارىن, ءىسساپار قۇجاتتارىن, مەديتسينالىق مەكەمەلەردىڭ جولدامالارىن, جەكە كۋالىگىن كورسەتكەن كەزدە سانيتاريالىق بەكەتتەر ارقىلى كەدەرگىسىز كىرۋگە/شىعۋعا بولادى", دەلىنگەن وبلىستىق جەدەل شتابتىڭ قاۋلىسىندا. سونىمەن وبلىستىڭ اۋدان-قالالارىنا مىنا ازاماتتارعا كىرىپ-شىعۋعا رۇقسات ەتىلەدى:

- حالىقتىڭ تىرشىلىگىن قامتاماسىز ەتەتىتن ۇيىمداردىڭ قىزمەتكەرلەرى;

- مەديتسينالىق كورسەتكىشتەرى بار ادامدار;

- ترانزيتتىك جولاۋشىلار مەن جۇكتەردى اۆتوتاسىمالداۋشىلار;

- ۆاحتالىق قىزمەتكەرلەردى تاسىمالدايتىن كولىك قۇرالدارى;

- كولىكتى جانە تابيعات قورعاۋ, ۆەتەريناريالىق, اۋىل شارۋاشىلىعى ءىس - شارالارىن, جول-جوندەۋ جۇمىستارىن, اۆاريالىق قىزمەتتەردى جۇرگىزۋگە تارتىلعان ادامداردى, ءبىرىنشى كەزەكتە قاجەتتى تاۋارلاردى, تاماق ونىمدەرىن, ءدارى-دارمەكتەردى, قاتتى, سۇيىق وتىندى جانە ججم جەتكىزۋشىلەردى, سونداي-اق وبلىستىڭ شارۋاشىلىق تىنىس-تىرشىلىگىن قامتاماسىز ەتۋ ءۇشىن تاۋارلارى, جابدىقتارى مەن ماتەريالدارى بار بارلىق جۇك كولىگىن راستايتىن قۇجاتتار ۇسىنىلعان كەزدە (مەملەكەتتىك تىركەۋ تۋرالى كۋالىك, جۇمىسكەرلەر ءۇشىن-جۇمىس ورنىنان مورمەن راستالعان ەركىن ۇلگىدەگى انىقتاما);

- قۇقىق بەلگىلەيتىن قۇجاتتاردى ۇسىنعان كەزدە قالا سىرتىنداعى ۇيلەرگە (ساياجايلارعا) بارۋ ءۇشىن تۇراقتى تۇراتىن جەرىنە قايتىپ كەلەتىن ادامدار مەن وبلىس تۇرعىندارى ء(بىر وتباسى مۇشەلەرى);

- جۇمىس بەرۋشىنىڭ مورىمەن راستالعان ەركىن ۇلگىدەگى انىقتاماسى بار ادامدار. ۋاقىتشا كارانتين بەلگىلەنگەن رۋدنىي قالاسىندا مىنا قوعامدىق كولىكتىڭ ءجۇرىپ-تۇرۋىنا رۇقسات بەرىلەدى: № 1, 2, 6, 7, 8, 10, 11, 29, 200.

سونداي-اق "سسكوب" اق قىزمەتكەرلەرىن ساعات 5:00-دەن 10:00-گە دەيىن جانە ساعات 17:00-دەن 01:00-گە دەيىن تاسىمالداۋ ءۇشىن بولىنگەن اۆتوكولىكتەر كەدەرگىسىز قوزعالادى. وبلىستىق كىرىستەر دەپارتامەنتىنىڭ اۆتوكولىكتەرىنە ساعات 22:00-دەن 06:00-گە دەيىن كەدەرگىسىز قوزعالۋعا رۇقسات بەرىلدى.