اعىمداعى جىلدىڭ 14 قاراشاسىندا "يگى ىستەر ۋاقىتى" اكتسياسى اياسىندا قر مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتىنىڭ قىزمەتكەرلەرى ازاماتتارعا تەگىن كەڭەس بەرۋ بويىنشا كوكشەتاۋ قالاسىنىڭ بەيىمدەۋ ورتالىعىندا ءىس-شارا ۇيىمداستىردى, دەپ حابارلايدى Egemen.kz
ءىس-شارا بارىسىندا قۇجاتتاندىرۋ, ەلەكتروندىق-تسيفرلىق قولتاڭبانى الۋ, ءموبيلدى ازاماتتار بازاسىندا تىركەلۋ جانە باسقا دا الەۋمەتتىك قىزمەتتەردى ەلەكتروندىق تۇردە Egov.kz پورتالى ارقىلى الۋ بويىنشا كونسۋلتاتيۆتىك كومەك كورسەتىلدى.
ەستەرىڭىزگە سالا كەتەيىك, قر مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆا ەرىكتىلەر جىلى شەڭبەرىندە مەملەكەتتىك قىزمەتشىلەر اراسىندا #يگىىستەرۋاقىتى اكتسياسىن جاريالاپ, بارلىق مەملەكەتتىك قىزمەتشىلەردى وسى قوزعالىسقا بەلسەندى قوسىلۋعا شاقىردى.
جىل باسىنان بەرى اقمولا وبلىسىندا وسى اكتسيا اياسىندا از قامتىلعان وتباسىلارعا ازىق-ت ۇلىك جانە كيىم تۇرىندە ماتەريالدىق كومەك كورسەتۋ, جالعىز باستى قارت ادامدارعا شارۋاشىلىق جاعىنان كومەك كورسەتۋ, ەمدەلۋگە مۇقتاج ادامدارعا قارجىلىق كومەك كورسەتۋ سياقتى بىرقاتار ءىس-شارالار وتكىزىلدى.