ماقتاارال اۋدانىندا ورىن العان سۋ اپاتى سالدارىنان مىرزاكەنت كەنتىندە جاڭادان بوي كوتەرگەن مولتەك اۋدانعا كوشىپ بارعان جەڭىس اۋىلىنىڭ تۇرعىندارىنا ازىق-ت ۇلىك تاراتىلدى. "ماقتاارال تۇرعىندارىنا كومەك" دەپ اتالاتىن قايىرىمدىلىق شارانى "مەيىرىم شۋاعى" جانە "اتىراۋ راۋان" قوعامدىق قورلارى ۇيىمداستىردى, دەپ حابارلايدى Egemen.kz
جالپى ءاربىر ۇيگە تاراتىلعان ازىق-ت ۇلىكتىڭ قۇرامىندا ۇن, اق ماي, كۇرىش جانە ماكارون ونىمدەرى بار. كەلگەن قايىرىمدىلىق كومەككە رازى بولعان جەڭىس اۋىلىنىڭ تۇرعىندارى ۇيىمداستىرۋشىلارعا العىستارىن جاۋدىرىپ, 7 ايدان بەرى ءبىر ساتتە تولاستاماعان گۋممانيتارلىق كومەكتەر ءۇشىن قازاق ەلىنە ءوز ريزاشىلىقتارىن ءبىلدىردى.
وزبەكستان رەسپۋبليكاسىنداعى ساردابا سۋ قويماسىنىڭ اپاتقا ۇشىراۋى سالدارىنان 2020 جىلدىڭ 1 مامىر كۇنى ەڭ ءبىرىنشى بولىپ ماقتاارال اۋدانىنداعى جەڭىس اۋىلىن سۋ باسقان بولاتىن. قازىرگى تاڭدا بارشا اۋىل تۇرعىندارى اۋدان ورتالىعى مىرزاكەنت كەنتىندەگى جاڭادان بوي كوتەرگەن شاعىن اۋدانداعى ۇيلەرگە قونىستانىپ العان.
Aيتا كەتەيىك, العاش سۋ باسۋ وقيعاسى ورىن العان كۇننەن باستاپ قازىرگى تاڭعا دەيىن ماقتاارال اۋدانىنا قازاقستاننىڭ ءتۇرلى وبلىستارىنان 1000 توننادان استام گۋممانيتارلىق كومەكتەر كەلدى.