بۇگىن ماڭعىستاۋ وبلىسىنىڭ اكىمى سەرىكباي ترۋموۆتىڭ توراعالىعىمەن كەزەكتى اپپاراتتىق كەڭەس ءوتتى, دەپ حابارلايدى Egemen.kz.
ەلباسىنىڭ "Nur Otan" پارتياسىنىڭ 18 سەزىندە بەرگەن تاپسىرماسىنا سايكەس قابىلدانعان "اۋىل-ەل بەسىگى" جوباسىن ىسكە اسىرۋ جولدارى باياندالدى. ونىڭ باستى ماقساتى-اۋىلداعى ءومىر ءسۇرۋ ساپاسىن جاقسارتۋ, اۋىلدىق جەرلەردەگى ينفراقۇرىلىمدى جاڭارتىپ, وڭىرلىك ستاندارتتار جۇيەسىنىڭ پارامەترلەرىنە جەتكىزۋ.
بۇگىنگى تاڭدا "اۋىل-ەل بەسىگى" جوباسىنا دامۋ الەۋەتى بار جانە حالىق سانى كوپ 28 اۋىلدىق ەلدى مەكەن ەنگىزىلدى. جوبانىڭ ماقساتى – اۋىلداعى ءومىر ساپاسىن جاقسارتۋ, اۋىلدىق جەردەگى ينفراقۇرىلىمدى جاڭارتۋ, ولاردى ايماقتىق ستاندارتتار جۇيەسىنىڭ پارامەترلەرىنە جەتكىزۋ.
اعىمداعى جىلى وسى جوبى اياسىندا بەينەۋ, اقشۇقىر, قىزىلتوبە, باياندى, باسقۇدىق, راحات, شەتپە جولدار مەن الەۋمەتتىك نىسانداردى سالۋ جانە ورتاشا جوندەۋ جۇرگىزىلدى. بارلىعى 3,8 ملرد. تەڭگەگە 39 جوبا جاسالدى.
"اۋىل-ەل بەسىگى" اياسىندا 2021 جىلى 13 جوبانى ىسكە اسىرۋ جوسپارلانعان. سايىن شاپاعاتوۆ اۋىلى – 9 جوبا, جەتىباي اۋىلى-3. قازىرگى ۋاقىتتا ولاردىڭ ۇشەۋى اياقتالدى, بەسەۋى بويىنشا قۇرىلىس جۇمىستارىن جىل سوڭىنا دەيىن اياقتاۋ جوسپارلانىپ وتىر. 2 جوبا - اقشۇقىر اۋىلىندا دەنە شىنىقتىرۋ-ساۋىقتىرۋ كەشەنى مەن راحات اۋىلىندا 300 ورىندىق مادەنيەت ءۇيىنىڭ قۇرىلىسى كەلەسى جىلعا كوشىرىلەدى.
بۇدان كەيىن جۇمىس بارىسىندا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى شىڭعىس دۇيسەنوۆ حالىققا اتاۋلى الەۋمەتتىك كومەك ءبولۋ بويىنشا اتقارىلعان جۇمىستار تۋرالى ايتىپ بەردى. ونىڭ مالىمەتتىنشە, اعىمداعى جىلدىڭ 1 قاراشاسىنا دەيىن 20 545 ادام (3 807 وتباسى) جالپى العاندا 1,6 ملرد.تەڭگە الدى. كەپىلدەندىرىلگەن الەۋمەتتىك پاكەتپەن قامتاماسىز ەتۋ ءۇشىن 1 جاستان 6 جاسقا دەيىنگى 4 895 بالا 209,3 ملن.تەڭگەگە ازىق-ت ۇلىك پاكەتىمەن قامتاماسىز ەتىلدى. ماڭعىستاۋ وبلىسىندا ەڭ تومەنگى كۇنكورىس دەڭگەيى اعىمداعى جىلدىڭ 2 توقسانىنان باستاپ 37 798 تەڭگەدەن 41 695 تەڭگەگە دەيىن ءوستى.
سونداي-اق كەڭەس بارىسىندا كاسىپكەرلىك سۋبەكتىلەرى مەن جەكە تۇلعالاردىڭ سانيتاريالىق-ەپيدەميالىق قاۋىپسىزدىك تالاپتارىن ساقتاۋىن باقىلاۋ جونىندەگى مونيتورينگتىك توپتىڭ جۇمىسى تۋرالى بايانداما جاسالدى. بۇگىندە ماڭعىستاۋ وبلىسىندا 24 مونيتورينگتىك توپ جۇمىس ىستەيدى, ولاردىڭ قۇرامىنا ءتارتىپ ساقشىلارى, "اتامەكەن" كاسىپكەرلەر پالاتاسىنىڭ قىزمەتكەرلەرى, قالالار مەن اۋداندار اكىمدىكتەرىنىڭ قىزمەتكەرلەرى كىرەدى. سونداي-اق, ۇكىمەتتىك ەمەس ۇيىمداردىڭ وكىلدەرى مەن ەرىكتىلەر ەرەكشە ۇلەس قوسۋدا. ولار مونيتورينگ توبىنا ءتارتىپ بۇزۋشىلىق فاكتىلەرىن انىقتاۋعا كومەكتەسەدى. سونىمەن قاتار, بۇل جۇمىستىڭ اشىقتىعى مەن وبەكتيۆتىلىگىن قامتاماسىز ەتۋ ءۇشىن بۇقارالىق اقپارات قۇرالدارى دا تارتىلدى.
17 تامىزدان باستاپ وبلىس بويىنشا 5235 كاسىپكەرلىك نىسانى جۇمىسىن قايتا باستادى. بۇگىنگى كۇنگە دەيىن 761 رەيدتىك ءىس-شارا وتكىزىلدى. 1748 نىسان قامتىلدى, 131-دە سانيتارلىق تالاپتاردىڭ بۇزىلۋى انىقتالدى. جپق قىزمەتكەرلەرى وبلىستىق سانيتارلىق-ەپيدەميولوگيالىق باقىلاۋ دەپارتامەنتىنە 443 ماتەريال جىبەردى. ناتيجەسىندە قر اقبتك-ءنىڭ 425-بابىنا سايكەس 109 جەكە جانە زاڭدى تۇلعالارعا جالپى سوماسى 8 986 830 تەڭگە ايىپپۇل سالىندى.